एजेन्सी – इन्डियन प्रिमियर लिग (आइपिएल) को एलिमिनेटर खेलमा आज रोयल च्यालेन्जर्स बेंगलोर र सनराइजर्स हैदराबादबीच प्रतिस्पर्धा हुँदैछ । खेल नेपाली समय अनुसार बेलुका ७ : ४५ पछि शेख जायद स्टेडियम आबूधाबीमा सुरु हुनेछ ।

आजको विजेता टोली दोस्रो क्वालिफायरमा पुग्ने छ । पहिलो क्वालिफायरमा दिल्ली क्यापिटल्सलाई हराउँदै मुम्बई इन्डियन्स फाइनलमा पुगेको छ । आजको विजेताले फाइनलमा पुग्न दोस्रो क्वालिफायरमा आइतबार दिल्ली क्यापिटल्ससँग खेल्ने छ । हैदराबाद तेस्रो र बेंगलोर चौथो स्थानमा रहेर एलिमिनेटरमा स्थान बनाएका हुन् । लिग चरणको पहिलो खेलमा बेंगलोर १० रनले विजयी हुँदा दोस्रो खेलमा हैदराबादसँग ५ विकेटले पराजित भएको थियो ।

आइपिएलमा बेंगलोर र हैदराबादबीच हालसम्म १७ खेल भएको छन् । हैदराबाद ९ खेलमा विजयी हुँदा ७ खेलमा पराजित भएको छ । एक खेलको नतिजा वर्षाको कारण बिहिन बनेको थियो । बेंगलोरले हालसम्म हैदराबादविरुद्ध बनाएको उच्च योगफल २ सय २७ रहँदा कम १ सय १३ रन छ । हैदराबादले बेंगलोरविरुद्ध बनाएको उच्च योगफल २ सय ३१ रहँदा कम १ सय ३५ रन छ । समग्रमा हालसम्मको नतिजा यस प्रकार छ ।

२०२० : बेंगलोर १० रन र हैदराबाद ५ विकेटले विजयी

२०१९ : हैदराबाद १ सय १८ रनले विजयी, बेंगलोर ४ विकेटले विजयी

२०१८ : हैदराबाद ५ रन र बेंगलोर १४ रनले विजयी

२०१७ : हैदराबाद ३५ रनले विजयी र नजिता बिहिन

२०१६ : बेंगलोर ४५ रनले विजयी, हैदराबाद १५ रन र ८ रनले विजयी

२०१५ : हैदराबाद ८ विकेटले विजयी र बेंगलोर डकवर्थ लेविस पद्धतिको आधारमा ६ विकेटले विजयी

२०१४ : बेंगलोर ४ विकेट र हैदराबाद ७ विकेटले विजयी

२०१३ : हैदराबाद सुपर ओभर र बेंगलोर ७ विकेटले विजयी