एजेन्सी – १३ औं संस्करणको इन्डियन प्रिमियर लिग (आइपिएल) २०२० को पहिलो क्वालिफायरमा आज दिल्ली क्यापिटल्स र मुम्बई इन्डियन्स खेल्दै छन् । नेपाली समय अनुसार ७:४५ पछि दुबई इन्टरनेशल क्रिकेट स्टेडियममा सुरु हुनेछ ।

मुम्बई दिल्लीलाई हराउँदै छैटौं पटक आइपिएलको फाइनलमा स्थान बनाउन चाहन्छ । लिग चरणका दुबै खेलमा विजयी भएको मुम्बईको मनोबल पनि उच्च छ । लिग चरणको अन्तिम खेलमा सनराइजर्स हैदराबादसँग १० विकेटले हारेको मुम्बई उक्त गल्तीबाट पाठ सिक्दै जित निकाल्न चाहन्छ ।

लिग चरणमा १४ खेलमा ९ मा जित र ५ मा हार सहित शीर्षस्थानमा रहँदै क्वालिफायर खेलेको मुम्बईले दिल्लीविरुद्ध तीन परिवर्तन गर्ने सम्भावना छ । ओपनिङ क्विन्टन डी कक र रोहित शर्माले गर्ने छन् । चोटबाट फर्किएका रोहितले हैदराबादविरुद्ध पूनरागमन खेलमा ४ रनमा आउट भएका थिए । तेस्रो नम्बरमा सूर्यकुमार यादव र चौथो नम्बरमा इशान किशनले गर्ने छन् ।

डी कक, यादव र किशन उच्च लयमा छन् । यी तीन खेलाडीले जारी आइपिएलमा ४ सय भन्दामाथि रन जोडेका छन् । शीर्षक्रमका ब्याट्सम्यानको उच्च प्रर्दशन विना मुम्बईको जित कठिन देखिन्छ । क्रुनाल पान्ड्या, हार्दिक पान्ड्या र काइरन पोलार्डले तल्लोक्रम सम्हाल्ने छन् । क्रुनाललाई स्पिनमा उच्च प्रर्दशन गर्न दबाब छ ।

हार्दिकलाई यस अघि विश्राम दिएको थियो । हार्दिक प्रमुख फिनिसरको रुपमा खेल्ने छन् । चोटबाट फर्किएका हार्दिकलाई यस सिजनको आइपिएलमा मुम्बईले बलिङ भने गराएको छैन । हार्दिक फर्किदा सौरभ तिवारी बेन्चमा बस्ने छन् । हैदराबादविरुद्ध विश्राम गरेका तीव्र गतिका बलर ट्रेन्ट बोल्ट र जस्प्रित बुमराह टोलीमा फर्किने छन् ।

यी दुई बलरले जारी आइपिएलमा उत्कृष्ट प्रर्दशन गर्दै आएका छन् । जुन मुम्बईको बलिङका प्रमुख हतियार हुन् । बोल्ट फर्किदा जेम्स प्याटिन्सन र बुमराह फर्किदा धवल कुलकर्णी बेन्चमा बस्ने छन् । स्पिनरमा राहुल चहर पहिलो रोजाईमा खेल्ने छन् । दुबईको ठूलो बाउन्ड्रीमा चहर हाबी हुन सक्छन् ।

मुम्बईको सम्भावित प्लेइङ ११ – रोहित शर्मा (कप्तान), क्विन्टन डी कक (विकेटकिपर), सूर्यकुमार यादव, ईशान किशन, हार्दिक पान्ड्या, क्रुनाल पान्ड्या, काइरन पोलार्ड, नाथन कुल्टर नाइल, ट्रेन्ट बोल्ट, राहुल चहर, र जस्प्रित बुमराह ।

यो पनि :

मुम्बईविरुद्ध दिल्लीको सम्भावित प्लेइङ–११

मुम्बईविरुद्ध दिल्ली : हेड टु हेड

मुम्बईलाई हराउँदै पहिलो पटक फाइनलमा पुग्ने दिल्लीको लक्ष्य