एजेन्सी – इन्डियन प्रिमियर लिग (आइपिएल) २०२० को पहिलो क्वालिफायरमा आज दिल्ली क्यापिटल्स र मुम्बई इन्डियन्सबीच प्रतिस्पर्धा हुँदैछ । खेल नेपाली समय अनुसार ७:४५ पछि दुबई इन्टरनेशल क्रिकेट स्टेडियममा सुरु हुनेछ ।

मुम्बई १८ अंकका साथ शीर्ष र दिल्ली १६ अंकका साथ दोस्रो स्थानका साथ क्वालिफायर खेलेका हुन् । लिग चरणको दुबै खेलमा दिल्ली मुम्बईसँग पराजित भएको थियो । पहिलो खेलमा मुम्बईले दिल्लीलाई ५ विकेट र दोस्रो खेलमा ९ विकेटले हराएको थियो ।

मुम्बई लिग चरणको नतिजालाई निरन्तरता दिन चाहन्छ भने दिल्ली उक्त हारको बदला लिदै पहिलो पटक फाइनलमा प्रवेश गर्न सोचमा छ । मुम्बई रोहित शर्मा र दिल्ली श्रेयस ऐरको कप्तानीमा मैदान प्रवेश गर्ने छ । मुम्बई छैटौं र दिल्ली पहिलो पटक फाइनलमा पुग्ने रणनीति र तयारीका साथ दुबई स्टेडियममा प्रवेश गर्ने छन् ।

उपाधिका दाबेदार यी दुई टोलीबीच कडा प्रतिस्पर्धा आशा गरिएको छ । आइपिएलमा हालसम्म दिल्ली र मुम्बईबीच कुल २६ खेल भएको छ । दिल्ली १२ खेलमा विजयी हुँदा १४ खेलमा पराजित भएको छ । पछिल्ला पाँच खेलमा दिल्ली तीन खेलमा पराजित भएको छ । दिल्लीले मुम्बईविरुद्ध हालसम्म बनाएको उच्च योगफल २ सय १३ रन र सबैभन्दा कम ६६ रन छ ।

मुम्बईले दिल्लीविरुद्ध बनाएको सबैभन्दा उच्च योगफल २ सय १८ रहँदा कम ९२ रन छ । दिल्ली र मुम्बईबीचको हालसम्मको नतिजा छोटकरीमा यस प्रकार छ ।

सन् २०२० नतिजा

दिल्ली १६२–४ (२०)
मुम्बई १६६–५ (१९.४)
मुम्बई ५ विकेटले विजयी

दिल्ली ११०–९ (२०)
मुम्बई १११–१ (१४.२)
मुम्बई ९ विकेटले विजयी

२०१९ : दिल्ली ३७ रनले विजयी, मुम्बई ४० रनले विजयी

२०१८ : दिल्ली ७ विकेट र ११ रनले विजयी

२०१७ : मुम्बई १४ रन र १ सय ४६ रनले विजयी

२०१६ : दिल्ली १० रनले विजयी, मुम्बई ८० रनले विजयी

२०१५ : दिल्ली ३७ रनले विजयी, मुम्बई ५ विकेटले विजयी

२०१४ : दिल्ली ६ विकेटले विजयी, मुम्बई १५ रनले विजयी

२०१३ : मुम्बई ४४ रनले विजयी, दिल्ली ९ विकेटले विजयी

२०१२ : दिल्ली ७ विकेट र ३७ रनले विजयी

२०११ : मुम्बई ८ विकेट र ३२ रनले विजयी

२०१० : मुम्बई ९८ रन र ३९ रनले विजयी

२००९ : दिल्लीको ७ विकेट र ४ विकेटले जित

२००८ : मुम्बई २९ रनले विजयी, दिल्ली ५ विकेटले विजयी