एजेन्सी – इन्डियन प्रिमियर लिग (आइपिएल) २०२० मा लिग चरणका खेल सकिँदा दक्षिण अफ्रिकाका खेलाडीहरुले उच्च प्रर्दशन छन् ।

यस सिजनको आइपिएलमा दक्षिण अफ्रिकाबाट १० खेलाडीले पाँच टोलीमा प्रतिनिधित्व गरेका थिए । उक्त पाँच मध्य तीन टोली प्ले अफमा पुगे । उक्त तीन टोली प्ले अफमा पुग्नुमा दक्षिण अफ्रिकी खेलाडीको प्रर्दशन महत्त्वपूर्ण र उच्च रहेको छ । यस सिजनको आइपिएलमा किंग्स इलेभेन पन्जाब, सनराइजर्स हैदराबाद र कोलकाता नाइट राइडर्स बाहेक अन्य पाँच टोलीमा दक्षिण अफ्रिकी खेलाडी थिए ।

पछिल्लो दुई वर्षमा अन्तर्राष्ट्रिय स्तरमा दक्षिण अफ्रिका प्रर्दशन खस्केको पाइन्छ । त्यसैले दक्षिण अफ्रिका क्रिकेट बोर्डले अध्यक्ष, प्रशिक्षक देखि कप्तानसम्म परिवर्तन गरेको छ । पछिल्लो समय दक्षिण अफ्रिका क्रिकेट बोर्डमाथिको हस्तक्षेप र राजनीति पनि चर्चा रहँदै आएको छ । उता बोर्डमा किचलो रहँदा यता संयुक्त अरब इमिरेट्स (यूएई) चलि रहेको आइपिएलमा खेलाडीहरुले उच्च प्रर्दशन गरिरहेका छन् ।

यसले दक्षिण अफ्रिका सम्पूर्ण क्रिकेट समर्थक र शुभचिन्तकलाई खुसी र उर्जा थपेको छ । आगमी वर्ष भारतमा टि२० विश्वकप हुने हुँदा टोली निर्माणको लागि आइपिएलको प्रर्दशनले थप सहज बनाउने अनुमान गरिएको छ ।

प्लेअफमा पुगेका चार टोली मध्य हैदराबादमा मात्र दक्षिण अफ्रिकी खेलाडी छैनन् । शीर्षस्थानमा रहेको मुम्बई इन्डियन्स, दोस्रो स्थानमा रहेको दिल्ली क्यापिटल्स र तेस्रो स्थानको रोयल च्यालेन्जर्स बेंगलोरमा दक्षिण अफिकी खेलाडीको प्रदर्शन निर्णायक बन्दै आएको छ ।

दिल्ली र बेंगलोर दक्षिण अफ्रिकी खेलाडीमा बढी निर्भर देखिन्छन् । एबी डिभिलियर्स, फाफ डु प्लेसिस, क्विन्टन डीकक ब्याटिङमा चम्कँदा दुई युवा तीव्र गतिका बलर कागिसो रबाडा र एनरिच नोर्कियाले बलिङमा जादुमयी प्रर्दशन गर्दै आएका छन् । क्रिस मोरिसले पनि अलराउन्ड प्रर्दशन गरेका छन् । डी भिलियर्सले राष्ट्रिय टोलीबाट आफ्नो सन्न्यास फिर्ता लिने हो भने दक्षिण अफ्रिकाको टोली थप मजबुत हुनेमा दुइमत छैन ।

सन् २०१८ मा अन्तर्राष्ट्रिय क्रिकेटबाट सन्न्यास लिएका डी भिलियर्सले आइपिएलमा उच्च प्रर्दशन गर्दै पूनरागमनको लागि कुनै ठाउँ बाँकी राखेका छैनन् । दक्षिण अफ्रिकी प्रशिक्षक मार्क बाउचरले डी भिलियर्स टोलीमा फर्किन आइपिएलमा उच्च प्रर्दशन गर्नुपर्ने तर्क राखेका थिए । पछिल्लो एक वर्षमा डी भिलियर्स दक्षिण अफ्रिका टोलीबाट पुन: खेल्ने इच्छा राख्दै आएका छन् ।

डी भिलियर्स टोलीको अझै पनि प्रमुख खेलाडी रहने सक्ने तर्कलाई उनको ब्याटबाट निस्किरहेको रनले प्रमाणित गरेको छ । उनी टोलीमा फर्किन्छन् वा फर्किदैनन् भन्ने समर्थक र शुभचिन्तकमा जिज्ञासा थप बढेको छ । डी भिलियर्सले १४ खेलमा १६३ को स्ट्राइक रेटमा ३ सय ९८ रन बनाएका छन् । उत्कृष्ट प्रर्दशन ७३ रहँदा चार अर्ध शतक सामेल छ ।

डी भिलियर्स नहुने हो भने बेंगलोरको तल्लोक्रम र मध्यक्रम निकै कमजोर हुने देखिन्छ । जारी सिजनमा डी भिलियर्स तीन पटक प्लेयर अफ द म्याच चुनिएका छन् । राजस्थान रोयल्सविरुद्ध ७ विकेटको जित दिलाउन एबी डिभिलियर्स २२ बलमा ६ छक्का र १ चौका सहित ५५ रनमा अविजित रहेका थिए । कोलकाताविरुद्ध पनि डी भिलियर्स ३३ बलमा ६ छक्का र ५ चौका सहित ७३ र मुम्बईलाई सुपर ओभरमा हराउन २४ बलमा ५५ रनमा अविजित रहँदै प्लेयर अफ द म्याच चुनिएका थिए ।

बेंगलोरको बलिङ समस्यामा मल्हम लगाइरहेका क्रिस मोरिसले सुरुवाती खेल चोटका कारण खेल्न सकेनन् । मोरिसले ९ खेलमा ११ विकेट लिएका छन् । जसमा इकोनमी ६.६३ छ । मोरिसले राजस्थानविरुद्ध ४ ओभरमा २६ रन खर्चेर ४ विकेट लिदै सस्तैमा समेटेका थिए । तीव्र गतिका बलर डेल स्टेनले भने ३ खेलमा एक विकेटमात्रै लिन सके ।

दिल्लीलाई शीर्ष दुईमा अन्त्य गराउन दुवै तीव्र गतिका बलर कागिसो रबाडा र एनरिच नोर्किया नायक बन्दै आएका छन् । यी दुई जोडीले कुल ४४ विकेट लिएका छन् । रबाडाले कुल २५ विकेट लिएका छन् । इकोनमी ८.१४ को रहँदा उत्कृष्ट प्रर्दशन ४–२४ छ । नोर्कियाले १३ खेलमा १९ विकेट लिएका छन् । जसमा इकोनमी ७.९६ रहँदा उत्कृष्ट प्रर्दशन ३–३३ छ ।

दक्षिण अफ्रिका सीमित ओभरका कप्तान तथा विकेटकिपर क्विन्टन डी ककले मुम्बईलाई शीर्षस्थानमा रहँदै क्वालिफायर गराउँदा उच्च प्रर्दशन गरे । मुम्बईबाट जारी सिजनमा सर्वाधिक रन बनाउने खेलाडी बनेका डी ककले ४ सय ४३ रन बनाएका छन् । जसमा ४ अर्ध शतक सामेल छ । दुई पटक प्लेयर अफ द म्याच चुनिएका छन् ।

चेन्नई सुपर किंग्स लिग चरणबाटै बाहिरियो । तर फाफ डु प्लेसिसले आफ्नो आलोचकलाई ब्याटबाटै राम्रो जवाफ दिए । चेन्नईबाट सर्वाधिक रन बनाउने खेलाडी बनेका डु प्लेसिसले १३ खेलमा ४ सय ४९ रन जोडेका थिए । जसमा चार अर्ध शतक सामेल रहँदा स्ट्राइक रेट १ सय ४० रह्यो । चेन्नईबाट तीव्र गतिका बलर लुन्गी एनगिडीले ४ खेलमा ९ विकेट लिए । स्पिनर इमरान ताहिरले तीन खेलमा एक विकेटमात्रै लिन सके ।

राजस्थान रोयल्स पुछारमा रहँदै लिग चरणबाट बाहिरियो । आक्रामक ब्याट्सम्यान डेभिड मिलरले चारमात्र विदेशी खेलाडीको कोटाको कारण मौका पाउन सकेनन् । राजस्थानले मिलरलाई चेन्नई सुपर किंग्सविरुद्ध मौका दिएको थियो । तर दुर्भाग्य मिलर शून्यमा आउट हुन पुगे ।

दक्षिण अफ्रिकी खेलाडीले आइपिएल लगत्तै घरेलु मैदानमा इंग्ल्यान्डसँग समान तीन ओडिआई र तीन टि२० खेलको सिरिज खेल्दैछन् । नोभेम्बर अन्तिम देखि सुरु हुने उक्त सिरिजको लागि आइपिएलको प्रर्दशनले दक्षिण अफ्रिका टोलीको मनोबल उच्च छ । उक्त इंग्ल्यान्डसँगको सिरिजसँगै दक्षिण अफ्रिकाले विश्वकपलाई टोली निर्माणको रणनीति समेत बनाउने देखिन्छ ।