एजेन्सी – इन्डियन प्रिमियर लिग (आइपिएल) २०२० को ५५ औं खेलमा दिल्ली क्यापिटल्सले रोयल च्यालेन्जर्स बेंगलोरविरुद्ध पहिला बलिङ गर्ने भएको छ ।

शेख जायद स्टेडियम आबूधाबीमा दिल्लीका कप्तान श्रेयस ऐरले टस जितेर पहिला बलिङ गर्ने निर्णय लिएका हुन् । दिल्लीले आज टोलीमा तीन परिवर्तन गरेको छ । दिल्लीले आजको खेलमा अजिंक्या रहाणे, अक्षर पटेल र ड्यानियल साम्सलाई खेलाउने निर्णय गरेको छ । स्पिनर प्रबिन दुबे, शिम्रन हेटमायर र हर्षल पटेललाई बेन्चमा राखेको छ ।

बेंगलोरले टोलीमा दुई दुई परिवर्तन गरेको छ । बेंगलोरका प्रमुख तीव्र गतिका बलर नवदीप सैनी पूर्णरुपमा फिट नहुँदा आज टोलीमा छैनन् । सैनी नहुँदा शहबाज अहमदलाई मौका दिएको छ । गुरक्रितमान सिंहको स्थानमा अलराउन्डर शिवम दुबेलाई मौका दिएको छ । दुई टोलीले गरि कुल पाँच परिवर्तन गरेका हुन् ।

दुवै टोलीलाई प्ले अफमा पुग्न आजको खेल जित्नै पर्ने हुन्छ । आजको विजेता टोली सिधै क्वालिफायरमा स्थान बनाउने छ । पराजित हुने टोली भने मंगलबार मुम्बई इन्डियन्स र सनराइजर्स हैदराबादको नजिता पर्खनुपर्ने हुन्छ । पराजित हुने टोली लिग चरणबाटै बाहिरिने सम्भावना पनि त्यतिनै छ । पराजित हुने टोली प्ले अफमा स्थान बनाउन सकेसम्म निकै न्यून अन्तरले हार्नुपर्छ ।

बेंगलोरको प्लेइङ ११ – जोश फिलिपे, देवदत्त पाडिक्कल, विराट कोहली (कप्तान) एवी डि भिलियर्स, क्रिस मोरिस, मोहम्मद शिराज, वासिन्टन सुन्दर, शिवम दुबे, शहवाज अहमद, इसुरु उडाना र युजभेन्द्र चहल

दिल्लीको प्लेइङ ११ – अजिंक्या रहाणे, शिखर धवन, ऋषभ पन्त (विकेटकिपर), श्रेयस ऐर (कप्तान), एनरिच नोर्किया, मार्कस स्टोइनिस, रविचन्द्रन आश्विन,
अक्षर पटेल, कागिसो रबाडा, ड्यानियल साम्स र पृथ्वी शा ।