एजेन्सी – इन्डियन प्रिमियर लिग (आइपिएल) को ५२ औं खेलमा रोयल च्यालेन्जर्स बेंगलोरविरुद्ध सनराइजर्स हैदराबादले पहिला बलिङ गर्ने भएको छ ।

शारजाह क्रिकेट स्टेडियममा हैदराबादका कप्तान डेभिड वार्नरले टस जितेर पहिला बलिङ गर्ने निर्णय लिएका हुन् । हैदराबादले आजको खेलमा एक परिवर्तन गरेको छ । घाईते विजय शंकरको स्थानमा अभिषेक शर्मालाई मौका दिएको छ । बेंगलोरले आजको खेलमा दुई परिवर्तन गरेको छ । नवदीप सैनी टोलीमा फर्किदा शिवम् दुबेलाई बेन्चमा राखेको छ । त्यस्तै डेल स्टेनलाई बेन्चमा राख्दै इसुरु उडानालाई खेलाएको छ ।

बेंगलोर १२ खेलमा ७ मा जित र ५ खेलमा पराजयका साथ दोस्रो स्थानमा छ । हैदराबाद १२ खेलमा ५ मा जित र ७ मा हार सहित सातौं स्थानमा छ । बेंगलोर आजको खेलमा विजयी भए प्ले अफमा पुग्ने छ । हैदराबादले प्ले अफको अंक गणितिय सम्भावनालाई कायमै राख्न आजको खेल जित्नै पर्ने हुन्छ । हैदराबाद पराजित भए औपचारिक रुपमा लिग चरणबाट बाहिरिने छ ।

बेंगलोरको प्लेइङ ११ – जोश फिलिपे, देवदत्त पाडिक्कल, विराट कोहली (कप्तान) एवी डि भिलियर्स, क्रिस मोरिस, मोहम्मद शिराज, वासिन्टन सुन्दर, गुरकिरत सिंहमान, नवदीप सैनी, इसुरु उडाना र युजभेन्द्र चहल

हैदराबादको प्लेइङ ११ – डेविड वार्नर (कप्तान), केन विलियम्सन, मनिष पान्डे, अभिषेक शर्मा, ऋद्धिमान शाह (विकेटकिपर) , अब्दुल सामद , जेसन होल्डर, राशिद खान, सन्दीप शर्मा , टि नटराजन र शहबाज नदीम ।

यो पनि : लज्जास्पद हारसँगै दिल्लीको प्लेअफ सम्भावना कठिन