एजेन्सी– इन्डियन प्रिमियर लिग (आइपिएल) को ४९ औं खेलमा चेन्नई सुपर किंग्सले कोलकाता नाइट राइडर्सविरुद्ध पहिला बलिङ गर्ने भएको छ ।

दुबई इन्टरनेशनल क्रिकेट स्टेडियममा चेन्नईका कप्तान महेन्द्रसिंह धोनीले टस जितेर पहिला बलिङ गर्ने निर्णय लिएका हुन् । चेन्नईले टोलीमा तीन परिवर्तन गरेको छ । फाफ डु प्लेसिस, मोनु कुमार र इमरान ताहिरलाई आज चेन्नईको टोलीमा छैनन् । चेन्नईले लुन्गी एनगिडी, शेन वाटसन र करण शर्मालाई मौका दिएको छ । कोलकाताले टोलीमा एक परिवर्तन गरेको छ । प्रसिद्ध कृष्णाको स्थानमा रिंकु सिंहलाई मौका दिएको छ ।

कोलकातालाई अन्तिम चारमा रहेर प्ले अफ खेल्ने सम्भावना कायमै राख्न आजको खेल जित्नै पर्ने हुन्छ । यसअघि चेन्नईरिुद्ध लिग चरणको पहिलो खेलमा कोलकाता १० रनले विजयी भएको थियो । चेन्नई १२ खेलमा ४ मा जित र ८ मा हार सहित ८ अंकका साथ पुछारमा छ ।

कोलकाता १२ खेलमा समान ६ मा जित र हार सहित १२ अंकका साथ पाँचौ स्थानमा छ । आइपिएलमा यी दुई टोलीबीच कुल २२ खेल भएको छ । जसमा चेन्नई १३ खेलमा विजयी हुँदा ८ खेलमा पराजित भएको छ ।

चेन्नई प्लेइङ ११ – अम्बाती रायुडू, शेन वाटसन, लुन्गी एनगिडी, करण शर्मा, रितुराज गायकवाड, महेन्द्र सिंह धोनी (कप्तान तथा विकेटकिपर), रविन्द्र जडेजा, साम करन, दीपक चहर, नारायण जगदिशन र मिचेल सान्टनार ।

कोलकाता प्लेइङ ११ – ल्योकी फर्गुसन, सुभमन गिल, नितेश राणा, ओईन मोर्गन (कप्तान), सुनिल नारायण , दिनेश कार्तिक (विकेटकिपर), रिंकु सिंह, प्याट कमिन्स, राहुल त्रिपाठ्ठी, वरुण चकबर्ती र कमलेश नगरकोटी