एजेन्सी– इन्डियन प्रिमियर लिग (आइपिएल) को ४९ औं खेलमा आज कोलकाता नाइट राइडर्स र चेन्नई सुपर किंग्सबीच प्रतिस्पर्धा हुँदैछ । खेल नेपाली समय अनुसार बेलुका ७ : ४५ पछि दुबई इन्टरनेशनल क्रिकेट स्टेडियममा सुरु हुनेछ ।

चेन्नई लिग चरणबाट बाहिरिसकेको छ । चेन्नईलाई आजको खेल प्रतिष्ठाको लडाईं मात्रै हुने छ । तर कोलकातालाई अन्तिम चारमा रहेर प्ले अफ खेल्ने सम्भावना कायमै राख्न आजको खेल जित्नै पर्ने हुन्छ । कोलकाता आजको खेलमा पराजित भए प्ले अफको झिनो अंक गणीतिय सम्भावना मात्रै बाँकी रहने छ ।

यसअघि चेन्नईरिुद्ध लिग चरणको पहिलो खेलमा कोलकाता १० रनले विजयी भएको थियो । चेन्नई १२ खेलमा ४ मा जित र ८ मा हार सहित ८ अंकका साथ पुछारमा छ । कोलकाता १२ खेलमा समान ६ मा जित र हार सहित १२ अंकका साथ पाँचौ स्थानमा छ । आजको नतिजाले अन्य टोलीलाई समेत प्रभाव पार्ने छ ।

कोलकाता पछिल्लो खेलमा पन्जाबसँग ८ विकेटले पराजित भएको थियो । उक्त खेलमा ओपनर सुभमन गिल र कप्तान ओईन मोर्गन बाहेक अन्यको प्रर्दशन सम्झन लायक थिएन । शीर्षक्रमका नितेश राणा, राहुल त्रिपाठी र दीनेश कार्तिकलाई उच्च प्रर्दशन गर्न आवश्यक देखिन्छ ।

लोकी फर्गुसन र बरुण चक्रबर्तीले एक एक विकेट लिएका थिए । यी दुई बलर बाहेक अन्यलाई उच्च प्रर्दशन गर्न आवश्यक देखिन्छ । प्याट कमिन्सलाई उच्च प्रर्दशन गर्न आवश्यक देखिन्छ । घाइते आन्द्रे रसेल आजको खेलमा पनि उपलब्ध हुने सम्भावना छैन ।

चेन्नईले पछिल्लो खेलमा बेंगलोरलाई ८ विकेटले हराएको थियो । उक्त खेलमा बलिङमा साम करनले उत्कृष्ट प्रर्दशन गरेका थिए । ब्याटिङमा युवा ओपनर रितुराज गायकवाडले विजयी अर्ध शतकीय इनिङ खेलेका थिए ।

बेंगलोरलाई हराएको चेन्नईको मनोबल उच्च छ । उसलाई गुमाउन केहि नहुँदा विना दबाबका साथ उत्कृष्ट प्रर्दशन गर्न सक्छ । आइपिएलमा यी दुई टोलीबीच कुल २२ खेल भएको छ । जसमा चेन्नई १३ खेलमा विजयी हुँदा ८ खेलमा पराजित भएको छ । एक खेलको नतिजा बिहिन रहेको थियो ।