एजेन्सी– भारतले अष्ट्रेलियासँग खेल्ने चार टेष्ट, समान तीन ओडिआई र टि२० आई सिरिजको मिति तय भएको छ । क्रिकेट अष्ट्रेलियाले बुधबार घरेलु मैदानमा हुने उक्त सिरिजको मिति औपचारिक रुपमा सार्वजनिक गरेको छ ।

नोभेम्बर अन्तिम देखि ओडिआई देखि सुरु हुने उक्त सिरिज जनवरी तेस्रो सातामा टेष्ट हुँदै सकिने छ । अष्ट्रेलिया भ्रमणको लागि भारतले विराट कोहलीको कप्तानीमा टोली घोषणा गरिसकेको छ । हाल भारतका सबै खेलाडी इन्डियन प्रिमियर लिग (आइपिएल) खेल्न संयुक्त अरब इमिरेट्स (यूएई) मा रहेका छन् ।

अष्ट्रेलियाका केहि प्रमुख खेलाडी पनि आइपिएल खेलिरहेका छन् । आइपिएल नोभेम्बर १० मा सकिने छ । भारत र अष्ट्रेलियाबीचको ओडिआईसिरिज नोभेम्बर २७ देखि सुरु हुने छ । भारत आइपिएल सकिएसँगै अष्ट्रेलिया भ्रमणमा निस्कने छ ।

भारत र अष्ट्रेलियाबीचको सिरिजको खेल तालिका

तीन ओडिआई सिरिज

पहिलो – नोभेम्बर २७, सिड्नी क्रिकेट ग्राउन्ड

दोस्रो – नोभेम्बर २९, सिड्नी क्रिकेट ग्राउन्ड

तेस्रो – डिसेम्बर २, मानुका ओभल

तीन टि२० आई सिरिज

पहिलो – ४ डिसेम्बर, मानुका ओभल

दोस्रो – ६ डिसेम्बर, सिड्नी क्रिकेट ग्राउन्ड

तेस्रो – ८ डिसेम्बर, सिड्नी क्रिकेट ग्राउन्ड

चार टेष्ट सिरिज

पहिलो – १७–२१ डिसेम्बर, एडिलेड ओभल(दिन/रात)

दोस्रो – २६–३० डिसेम्बर, मेलबर्न क्रिकेट स्टेडियम

तेस्रो – ७–११ जनवरी, सिड्नी क्रिकेट ग्राउन्ड

चौथो तथा अन्तिम – १५–१९ जनवरी, द गाब्बा

यो पनि पढ्नुहोस : रोहितबिनै भारतीय टोली घोषणा, राहुल उपकप्तान