एजेन्सी– राजस्थान रोयल्सका स्टार अलराउन्डर बेन स्टोक्सले इन्डियन प्रिमियर लिग (आइपिएल) मा नयाँ कीर्तिमान कायम गरेका छन् ।

आइतबार राती मुम्बई इन्डियन्सलाई ८ विकेटले हराउँन उत्कृष्ट शतक प्रहार गर्दै स्टोक्सले कीर्तिमान कायम गरेका हुन् । जितका लागि १ सय ९६ रनको लक्ष्य पछ्याएको राजस्थानले १८.२ ओभरमा २ विकेटको क्षतिमा पूरा गरेको थियो । स्टोक्स ६० बलमा १४ चौका र ३ छक्का सहित १ सय ७ रनमा अविजित रहेका थिए ।

स्टोक्सको आइपिएलमा दोस्रो शतक हो । स्टोक्सले दुबै शतक लक्ष्य पछ्याउँदा प्रहार गरेका हुन् । जुन आइपिएल इतिहासमा रन पछ्याउँदा दुई शतक प्रहार गर्ने स्टोक्स पहिलो खेलाडीको कीर्तिमान कायम गरेका हुन् । स्टोक्सले सन् २०१७ मा राइर्जिङ पूणे सुपरजाइन्टबाट गुजरात रायन्सविरुद्ध १ सय ३ रनको अविजित शतकीय इनिङ खेलेका थिए ।

स्टोक्सले ६३ बलमा ७ चौका र ६ छक्का सहित उक्त शतकीय इनिङ खेलेपछि पूणेले १ सय ६२ रनको विजयी लक्ष्य एक बल अगाडि ५ विकेटको क्षतिमा पूरा गरेको थियो । स्टोक्स दुई सफल लक्ष्य पछ्याउँदै पूरा गर्दा दुई शतक प्रहार गर्ने पहिलो खेलाडी बनेका हुन् ।

स्टोक्सले जारी सिजनमा सुरुवाती खेल भने गुमाउन पुगेका थिए । बिरामी बुबालाई न्युजिल्यान्डमा छोडेर आइपिएल खेल्न आएका स्टोक्सले सुरुवाती खेलमा भने राम्रो प्रर्दशन गर्न सकेका थिए । तर वर्तमान समयका सर्वोत्कृष्ट अलराउन्डर स्टोक्सले मुम्बईविरुद्ध शतकीय इनिङ खेल्दै राम्रो जवाफ दिएका हुन् । राजस्थानबाट स्टोक्सले यस सिजनमा ओपनिङ गराएको छ । राजस्थान १२ खेलमा ५ मा जित र ७ मा हार सहित छैटौं स्थानमा छ ।