एजेन्सी– इन्डियन प्रिमियर लिग (आइपिएल) को ४५ औं खेलमा मुम्बई इन्डियन्सले राजस्थान रोयल्सविरुद्ध पहिला ब्याटिङ गर्ने भएको छ ।

शेख जायद स्टेडियम आबूधाबीमा मुम्बईका कार्यबाहक कप्तान काइरन पोलार्डले टस जितेर पहिला ब्याटिङ गर्ने निर्णय लिएका हुन् । राजस्थानले आजको खेलमा टोलीमा परिवर्तन गरेको छैन । मुम्बईले टोलीमा एक परिवर्तन गरेको छ । तीव्र गतिका बलर नाथन कुल्टर नाइलको स्थानमा जेम्स प्याटिनसनलाई मौका दिएको छ ।

मुम्बई १० खेलमा ७ मा जित र ३ मा हार सहित शीर्ष स्थानमा छ । आजको खेलमा विजयी भए प्ले अफमा स्थान पक्का हुनेछ । यता ११ खेलमा ७ मा हार र ४ मा जित सहित पुछारमा रहेको राजस्थानलाई झिनो अंक गणीय आशा कायमै राख्न आजको खेल जित्नै पर्ने हुन्छ ।

आजको खेलमा पराजित भएमा राजस्थानको अघिल्लो चरणको यात्रा समाप्त हुने छ । राजस्थान र मुम्बईबीच आइपिएलमा कुल २२ खेल भएको छ । जसमा राजस्थान १० खेलमा विजयी हुँदा ११ खेलमा पराजित भएको छ । जारी सिजनको आइपिएलमा लिग चरणको पहिलो खेलमा मुम्बईले राजस्थानलाई ५७ रनले पराजित गरेको थियो ।

मुम्बईको प्लेइङ ११ – काइरन पोलार्ड(कप्तान) क्विन्टन डी कक (विकेटकिपर), सूर्यकुमार यादव, ईशान किशन, क्रुनाल पान्ड्या, हार्दिक पान्ड्या, सौरभ तिवारी , जेम्स प्याटिनसन, राहुल चहर, ट्रेन्ट बोल्ट र जस्प्रित बुमराह

राजस्थानको प्लेइङ ११ – जस बटलर (विकेटकिपर), रोबिन उथप्पा, स्टिभ स्मिथ (कप्तान), सन्जु स्यामसन, रियान पराग, राहुल टेवाटिया, जोफ्रा आर्चर, कार्तिक त्यागि, श्रेयस गोपाल, अंकित राजपुत र बेन स्टोक्स