एजेन्सी– इन्डियन प्रिमियर लिग (आइपिएल) को ४४ औं खेलमा रोयल च्यालेन्जर्स बेंगलोरले चेन्नई सुपर किंग्सविरुद्ध पहिला ब्याटिङ गर्ने भएको छ ।

दुबई इन्टरनेशनल क्रिकेट स्टेडियममा बेंगलोरका कप्तान विराट कोहलीले टस जितेर पहिला ब्याटिङ गर्ने निर्णय लिएका हुन् । बेंगलोरले आज टोलीमा एक परिवर्तन गरेको छ । तीव्र गतिका बलर इसुरु उडानाको स्थानमा अलराउन्डर मोईन अलीलाई मौका दिएको छ । धोनीले टोलीमा दुई परिवर्तन गरेका छन् । स्पिन अलराउन्डर मिचेल सान्टनारलाई तीव्र गतिका बलर जोश हेजलवुडको स्थानमा मौका दिएका छन् । त्यस्तै सार्दुल ठाकुरको स्थानमा मोनु कुमारलाई मौका दिएका छन् ।

बेंगलोर आजको खेलमा विजयी भए १६ अंकका साथ शीर्षस्थानमा उक्लिने छ । आजको जितले बेंगलोरको प्ले अफमा स्थान लगभग पक्का पक्कि हुने छ । चेन्नई आजको खेलमा पराजित भएमा लिग चरणबाट औपचारिक रुपमा बाहिरिने छ । चेन्नई आजको खेलमा पराजित भए आइपिएल इतिहासमा लिग चरणबाट पहिलो पटक बाहिरिने छ ।

चेन्नई ११ खेलमा ८ मा हार र ३ मा जित सहित पुछारमा छ । बेंगलोर १० खेलमा ७ मा जित र ३ मा हार सहित १४ अंकका साथ तेस्रो स्थानमा छ । समान १४ अंक भएपनि नेट रन रेटको आधारमा मुम्बई इन्डियन्स शीर्ष र दिल्ली क्यापिटल्स दोस्रो स्थानमा छन् । यसअघि लिग चरणको पहिलो खेलमा चेन्नई बेंगलोरसँग ३७ रनले पराजित भएको थियो ।

चेन्नई प्लेइङ ११ – अम्बाती रायुडू, इमरान ताहिर, फाफ डु प्लेसिस, मोनु कुमार, रितुराज गायकवाड, महेन्द्र सिंह धोनी (कप्तान तथा विकेटकिपर), रविन्द्र जडेजा, साम करन, दीपक चहर, नारायण जगदिशन र मिचेल सान्टनार ।

बेंगलोरको प्लेइङ ११ – आरोन फिन्च, देवदत्त पाडिक्कल, विराट कोहली (कप्तान) एवी डि भिलियर्स, क्रिस मोरिस, मोहम्मद शिराज, वासिन्टन सुन्दर, गुरकिरत सिंहमान, नवदीप सैनी, मोईन अली र युजभेन्द्र चहल