default_image

4 years ago

October 24, 2020

वरुणको पाँच विकेटमा कोलकाताको सानदार जित

127 views

0 Bookmark

एजेन्सी– स्पिनर वरुण चक्रबर्तीले उत्कृष्ट प्रर्दशन गर्दै पाँच विकेट लिएपछि इन्डियन प्रिमियर लिग (आइपिएल) को ४२ औं खेलमा कोलकाता नाइट राइडर्सले दिल्ली क्यापिटल्समाथि ५९ रनको सानदार जित निकालेको छ ।

जितका लागि १ सय ९५ रनको विजयी लक्ष्य पछ्याएको दिल्लीले २० ओभरमा ९ विकेटको क्षतिमा १ सय ३५ रन बनाउन सक्यो । दिल्लीले पहिलो ओभरको पहिलो बलमै ओपनर अजिंक्या रहाणेलाई शून्यमा गुमाएको थियो । रहाणेलाई प्याट कमिन्सले शून्यमा एलबिडब्लू आउट गरेका थिए । तेस्रो ओभरको तेस्रो बलमा कमिन्सले शिखर धवनलाई ६ रनमा बोल्ड आउट गर्दै कोलकातालाई उत्कृष्ट सुरुवात दिलाएका थिए ।

तेस्रो विकेटका लागि कप्तान श्रेयस ऐर र ऋषभ पन्तले ६३ रनको साझेदारी गर्दै इनिङ सम्हाल्न खोजेपनि स्पिनर बरुण चक्रबर्तीले पूरा हुन दिएनन् । १२ औं ओभरको दोस्रो बलमा बरुणले पन्तलाई सुभमन गिलबाट २७ रनमा उत्कृष्ट क्याच आउट गराउँदै उक्त साझेदारी तोडेका थिए । पन्तले ३३ बलमा २ चौका र १ छक्का प्रहार गरे ।

बरुणको १४ औं ओभरको दोस्रो बलमा शिम्रन हेटमायर राहुल त्रिपाठीबाट १० रनमा क्याच आउट हुन पुगे । लगत्तै अर्को बलमा ऐर कमलेश नगरकोटीबाट ४७ रनमा क्याच आउट भएपछि दिल्लीको जित टाढिएको थियो । ऐरले ३८ बलमा ५ चौका प्रहार गरे ।

चक्रबतीले १६ औं ओभरमा मार्कस स्टोइनिस र अक्षर पटेलको विकेट लिदै जित सहज बनाएका थिए । १६ औं ओभरको पहिलो बलमा स्टोइनिस ६ रनमा त्रिपाठीबाट क्याच आउट भए । चार बलपछि अक्षर पटेल ९ रनमा बोल्ड आउट हुन पुगे ।

तल्लोक्रममा कागिसो रबाडा ९ र तुषार देशपान्डे १ रनमा आउट भए । रविचन्द्रन आश्विन १४ रनमा अविजित रहे । स्पिनर बरुण चक्रबर्तीले ४ ओभरमा २० रन खर्चेर ५ विकेट लिदै जित पक्का गराए । प्याट कमिन्सले ४ ओभरमा १७ रन खर्चेर ३ विकेट लिए । लोकी फर्गुसनको नाममा एक विकेट रह्यो ।

त्यसअघि शेख जायद स्टेडियम आबूधाबीमा टस हारेर ब्याटिङको निम्तो पाएको कोलकाताले निर्धारित २० ओभरमा ६ विकेटको क्षतिमा १ सय ९४ रन बनाएको थियो । कोलकातालाई बलियो योगफलमा पुर्याउन नितेश राणा र अलराउन्डर सुनिल नारायणले शतकीय साझेदारी गरेका थिए । उत्कृष्ट ब्याटिङ गरेका नितेशले ५३ बलमा १३ चौका र १ छक्का सहित ८१ रनको योगदान दिए ।

नारायणले ३२ बलमा ६ चौका र ४ छक्का सहित ६४ रनको योगदान दिए । चौथो विकेटका लागि नितेश र सुनिलले १ सय १५ रनको शतकीय साझेदारी गरेपछि कमजोर सुरुवातको बाबजुद उत्कृष्ट पूनरागमन गर्दै कोलकाताले बलियो योगफल तयार पारेको हो ।

तीव्र गतिका बलर एनरिच नोर्कियाले दोस्रो ओभरको पाँचौ बलमा ओपनर सुभमन गिललाई अक्षर पटेलबाट ९ रनमा क्याच आउट गराउँदै पहिलो सफलता दिलाएका थिए । नोर्कियाले छैटौं ओभरको चौथो बलमा राहुल त्रिपाठीलाई १३ रनमा बोल्ड आउट गर्दै दोस्रो सफलता दिलाए । आठौं ओभरको दोस्रो बलमा कागिसो रबाडाले पन्तबाट दीनेश कार्तिकलाई तीन रनमा क्याच आउट गराएपछि कोलकाता ४२–३ को कमजोर अवस्थामा पुगेको थियो ।

तर चौथो विकेटका लागि सुनिल नारायण र नितेश राणाले उत्कृष्ट साझेदारी गरेपछि कोलकाताले दिल्लीसामु बलियो लक्ष्य प्रस्तुत गरेको हो । यी दुईबीचको साझेदारी रबाडाले १७ औं ओभरको चौथो बलमा अजिंक्या रहाणेबाट नारायणलाई क्याच गराउँदै तोड्न पुगेका थिए । ठूलो सट खेलेका नारायण स्क्वायर लेग बाउन्ड्री नजिक समातिन पुगेका थिए ।

नितेशलाई अन्तिम ओभरको पाँचौ बलमा मार्कस स्टोइनिसले तुषार देशपान्डेबाट क्याच आउट गराएका थिए । नितिशले अर्धशतक प्रहार गरेपछि शुक्रबार ज्यान गुमाएका आफ्ना ससुरा सुरिन्दरको नाम अंकित जर्सी देखाउँदै उनलाई समपर्ण गरेका थिए । अन्तिम बलमा ठूलो सट खेलेका कप्तान ओईन मोर्गन ९ बलमा २ चौका र १ छक्का सहित १७ रनमा रबाडाबाट क्याच आउट हुन पुगे ।

एनरिच नोर्कियाले ४ ओभरमा २७ रन खर्चेर २ विकेट लिए । कागिसो रबाडाले ४ ओभरमा ३३ रन खर्चेर २ विकेट लिए । मार्कस स्टोइनिसले ४ ओभरमा ४१ रन खर्चेर २ विकेट हात पारे । दिल्लीले अव मंगलबार सनराइजर्स हैदराबादसँग खेल्ने छ । कोलकाताले किंग्स इलेभेन पन्जाबसँग सोमबार खेल्ने छ ।

आइपिएलको अंक तालिका

मुम्बई १० खेलमा ७ मा जित र ३ मा हार सहित १४ अंकका साथ शीर्षस्थानमा छ । दिल्ली क्यापिटल्स ११ खेलमा ७ मा जित र ४ मा हार दोस्रो स्थानमा छ । बेंगलोर १० खेलमा ७ मा जित र ३ मा हार सहित तेस्रो स्थानमा छ । कोलकाता ११ खेलमा ६ मा जित र ५ मा हार सहित चौथो स्थानमा छ । सनराइजर्स हैदराबाद १० खेलमा ६ मा हार र ४ मा जित सहित पाँचौ स्थानमा छ ।

पन्जाब १० खेलमा ६ मा हार र ४ मा जित सहित ८ अंक जोड्दै छैटौं स्थानमा छ । राजस्थान ११ खेलमा ७ मा हार र ४ मा जित सहित सातौं स्थानमा पुगेको छ । चेन्नई सुपर किंग्स ११ खेलमा ८ मा हार र ३ मा जित सहित पुछारमा छ ।

March 12, 2025

थन्डर ११ इन्डो–नेपाल क्रिकेटको सेमिफाइनलमा

हिमाल खरेल, मेचीनगर झापाको मेचीनगर–४ बाहुनडाँगीमा जारी इन्डो–नेपाल टि–ट्वान्टी क्रिकेट प्रतियोगिताअन्तर्गत आज भएको खेलमा दमक क्रिकेट क्लबलाई २१ रनले पराजित गर्दै थन्डर–११ सेमिफाइनल प्रवेश गरेको छ । सरस्वती माविको खेल मैदानमा टस हारेर पहिलो ब्याटिङ गरेको थन्डरले निर्धारित १६ ओभरमा ७ विकेट गुमाउँदै १ सय १४ रन बनाएको थियोे । वर्षाका कारण १६ ओभरको म्याच […]

March 12, 2025

प्रशिक्षण प्रतिष्ठान र मधेश आइजिपी कपको सेमिफाइनलमा

काठमाडौं (हाम्रो खेलकुद)- प्रथम आइजिपी कप क्रिकेट प्रतियोगिता २०८१ को दोस्रो दिन बुधवार राष्ट्रिय प्रहरी प्रशिक्षण प्रतिष्ठान र मधेश प्रदेश प्रहरी कार्यालयले विजयी हुँदै सेमिफाइनलमा पुगेका छन्। राष्ट्रिय प्रहरीले गण्डकी प्रदेश प्रहरी कार्यालयलाई ६ विकेटले‌ हराएको छ। टस जितेर बलिङ रोजेको प्रशिक्षण प्रतिष्ठान टिमले गण्डकीलाई १९.४ ओभरमा अल आउट गर्दै ७६ रनमा समेट्यो । प्रशिक्षण […]

March 12, 2025

पूजा ग्रेड ‘ए’ मा, ४ खेलाडीलाई मासिक ५० हजार

काठमाडौं (हाम्रो खेलकुद)- नेपाल क्रिकेट संघ (क्यान) ले नेपाली महिला तथा पुरुष क्रिकेट टोलीका खेलाडीको वार्षिक सेन्ट्रल कन्ट्रयाक्ट सार्वजनिक गरेको छ। क्यानले १९ खेलाडीलाई कन्ट्रयाक्ट दिएको बुधवार जानकारी गराएको छ। जहाँ ४ खेलाडीले ५० हजार मासिक पारिश्रमिक पाउनेछन्। ग्रेड ‘ए’ मा इन्दु बर्मा, पूजा महतो, रुविना क्षेत्री, र सीता राना मगर रहेका छन्। उनीहरूले मासिक […]

Success

Thank you for your time.