एजेन्सी – इन्डियन प्रिमियर लिग (आइपिएल) को ४० औं खेलमा राजस्थान रोयल्सविरुद्ध सनराइर्जस हैदराबादले पहिला बलिङ गर्ने भएको छ ।

दुबई इन्टरनेशल क्रिकेट स्टेडियममा कप्तान डेभिड वार्नरले टस जित्दै पहिला बलिङ गर्ने निर्णय लिएका छन् । चोटका कारण मध्यक्रमका प्रमुख ब्याट्सम्यान केन विलियम्सन आज टोलीमा छैनन् । विलियम्सन टोलीमा नहुँदा हैदराबादले वेस्टइन्डिजका अलराउन्डर जेसन होल्डरलाई मौका दिएको छ । होल्डरले जारी सिजनमा पहिलो खेल खेल्दै छन् । त्यस्तै वशील थाम्पीको स्थानमा शहवाज नदीमलाई मौका दिएको छ । राजस्थानले भने टोलीमा परिवर्तन गरेको छैन ।

दुबै टोलीलाई प्ले अफको सम्भावना कायमै राख्न आजको खेल जित्नै पर्ने हुन्छ । आजको खेलमा पराजित हुने टोलीको प्ले अफको सम्भावना अन्य टोलीको नजितामा निर्भर रहने छ । राजस्थान १० खेलमा ६ मा हार र ४ मा जित सहित छैटौं स्थानमा छ । हैदराबाद ९ खेलमा ६ मा हार र ३ मा जित सहित सातौं स्थानमा छ ।

यसअघि लिग चरणको पहिलो खेलमा हैदराबाद राजस्थानसँग ५ विकेटले पराजित भएको थियो । आइपिएलमा राजस्थान र हैदराबादबीच कुल १२ खेल भएको छ । जसमा हैदराबाद ६ खेलमा विजयी हुँदा ६ खेलमा पराजित हुन पुगेको छ ।

राजस्थानको प्लेइङ ११ – जस बटलर (विकेटकिपर), रोबिन उथप्पा, स्टिभ स्मिथ (कप्तान), सन्जु स्यामसन, रियान पराग, राहुल टेवाटिया, जोफ्रा आर्चर, कार्तिक त्यागि, श्रेयस गोपाल, अंकित राजपुत र बेन स्टोक्स

हैदराबादको प्लेइङ ११ – डेविड वार्नर (कप्तान), जोनी बेयरस्टो (विकेटकिपर), मनिष पान्डे, विजय शंकर, प्रियम गर्ग, अब्दुल सामद , जेसन होल्डर, राशिद खान, सन्दीप शर्मा , टि नटराजन र शहबाज नदीम ।