एजेन्सी – इन्डियन प्रिमियर लिग (आइपिएल) को ३७ औं खेलमा चेन्नई सुपर किंग्सले राजस्थान रोयल्सविरुद्ध पहिला ब्याटिङ गर्ने भएको छ ।

शेख जायद स्टेडियम आबूधाबीमा चेन्नईका कप्तान महेन्द्रसिंह धोनीले टस जितेर पहिला ब्याटिङ गर्ने निर्णय लिएका छन् । चेन्नईले टोलीमा दुई परिवर्तन गरेको छ । अलराउन्डर ड्वेन ब्राभो चोटका कारण बाहिरिएका छन् । ब्राभो बाहिँरिदा अर्का तीव्र गतिका बलर जोश हेजलवुडलाई मौका दिएको छ ।

त्यस्तै स्पिनर करण शर्माको स्थानमा पियुष चवलालाई मौका दिएको छ । राजस्थाले टोलीमा एक परिवर्तन गरेको छ । रोयल च्यालेन्जर्स बेंगलोरविरुद्ध ४ ओभरमा ४६ रन खर्चेका जयदेव उनादकटको स्थानमा राजस्थानले अंकित राजपूतलाई मौका दिएको छ ।

प्ले अफको सम्भावना कायमै राख्न दुबै टोलीलाई आजको खेल जित्नै पर्ने दबाब छ । चेन्नई ९ खेलमा ६ मा हार र ३ मा जित सहित सातौं स्थानमा छ । राजस्थान ९ खेलमा ६ मा हार र ३ मा जित सहित पुछारमा छ । दुबै टोली चोथो जितको सोचमा हुने छन् ।

यसअघि लिग चरणको पहिलो खेलमा राजस्थानले चेन्नईलाई १६ रनले पराजित गरेको थियो । राजस्थानले प्रस्तुत गरेको २ सय १७ रनको विजयी लक्ष्य पछ्याएको चेन्नईले ६ विकेटको क्षतिमा २ सय रन बनाएको थियो । राजस्थान लिग चरणको जितलाई निरन्तरता दिन चाहान्छ । चेन्नई उक्त हारको पाठ सिक्दै दोस्रो खेलमा जित निकाल्न चाहान्छ । आइपिएलमा चेन्नई र राजस्थानबीच २२ खेल भएको छ । जसमा चेन्नई १४ खेलमा विजयी हुँदा ८ खेलमा पराजित भएको छ ।

राजस्थानको प्लेइङ ११ – जस बटलर (विकेटकिपर), रोबिन उथप्पा, स्टिभ स्मिथ (कप्तान), सन्जु स्यामसन, रियान पराग, राहुल टेवाटिया, जोफ्रा आर्चर, कार्तिक त्यागि, श्रेयस गोपाल, अंकित राजपुत र बेन स्टोक्स

चेन्नई प्लेइङ ११ – अम्बाती रायुडू, शेन वाटसन, फाफ डु प्लेसिस, शार्दुल ठाकुर, पियुष चवला, महेन्द्र सिंह धोनी (कप्तान तथा विकेटकिपर), रविन्द्र जडेजा, साम करन, दीपक चहर, केदार जाधव र जोश हेजलवुड ।