एजेन्सी – इन्डियन प्रिमियर लिग (आइपिएल) को ३६ औं खेलमा मुम्बई इन्डियन्सले किंग्स इलेभेन पन्जाबविरुद्ध पहिला ब्याटिङ गर्ने भएको छ ।

दुबई इन्टरनेशल क्रिकेट स्टेडियममा मुम्बई कप्तान रोहित शर्माले टस जितेर पहिला ब्याटिङ गर्ने निर्णय लिएका छन् । मुम्बई र पन्जाबले आजको खेलमा टोलीमा परिवर्तन गरेका छैनन् । मुम्बई ८ खेलमा ६ मा जित र २ मा हार सहित दोस्रो स्थानमा छ । मुम्बई आजको खेलमा पन्जाबलाई हराउँदै शीर्ष स्थानमा उक्लन चाहान्छ ।

शीर्षस्थानमा रहेको दिल्ली क्यापिटल्सले ९ खेलमा ७ मा जित र २ मा हार बेहोरेको छ । पन्जाब ८ खेलमा ६ मा हार र २ मा जित सहित पुछारमा छ । अन्तिम चारमा रहेर प्ले अफ खेल्न पन्जाबलाई आजको खेल जित्नै पर्ने हुन्छ । आइपिएलमा यी दुई टोलीबीच २५ खेल भएको छ । मुम्बई १४ खेलमा विजयी हुँदा ११ खेलमा पराजित भएको छ ।

पन्जाबको प्लेइङ ११ – लोकेश राहुल (कप्तान तथा विकेटकिपर), मंयक अग्रवाल, दिपक हुडा, अर्शदीप सिंह, ग्लेन म्याक्सवेल, निकोलस पूरन, मुरुगन आश्विन, क्रिस गेल, रबि बिश्रोई, मोहम्मद शामी र क्रिस जोर्डन ।

मुम्बईको प्लेइङ ११ – रोहित शर्मा (कप्तान), क्विन्टन डी कक (विकेटकिपर), सूर्यकुमार यादव, ईशान किशन, क्रुनाल पान्ड्या, हार्दिक पान्ड्या, काइरन पोलार्ड, नाथन कुल्टर नाइल, राहुल चहर, ट्रेन्ट बोल्ट र जस्प्रित बुमराह ।