एजेन्सी– इन्डियन प्रिमियर लिग (आइपिएल) को ३० औं खेलमा दिल्ली क्यापिटल्सले राजस्थान रोयल्सविरुद्ध पहिला ब्याटिङ गर्ने भएको छ ।

दुबई इन्टरनेशनल क्रिकेट स्टेडियममा दिल्लीका कप्तान श्रेयस ऐरले टस जितेर पहिला ब्याटिङ गर्ने निर्णय लिएका छन् । दिल्लीले आज टोलीमा एक परिवर्तन गरेको छ । युवा तीव्र गतिका बलर तुषारदेशपान्डेलाई डेब्यु खेल खेलाएको छ । दिल्लीले हर्षल पटेलको स्थानमा तुषारदेश पान्डेलाई मौका दिएको हो । नेपाली लेग स्पिनर सन्दीप लामिछानेलाई भने लगातार आठौं खेलमा बेन्चमा राखेको छ । राजस्थाले भने सनराजर्स हैदराबादसँगको टोलीलाई निरन्तरता दिएको छ ।

दिल्ली छैटौं र राजस्थान चौथो जित निकाल्ने सोचका साथ मैदान प्रवेश गर्ने छन् । दिल्ली ७ खेलमा ५ मा जित र २ मा हार सहित १० अंक तालिमा नेट रन रेटको आधारमा दोस्रो छ । यता राजस्थान भने ७ खेलमा ३ मा जित र ४ मा हार सहित सातौं स्थानमा छ ।

आइपिएलमा दिल्ली र राजस्थानबीच कुल २१ खेल भएका छन् । दिल्ली १० खेलमा विजयी हुँदा ११ खेलमा पराजित भएको छ । जारी सिजनको पहिलो खेलमा दिल्लीले राजस्थानलाई ४६ रनले पराजित गरेको थियो ।

दिल्लीको प्लेइङ ११ – पृथ्वी शा, शिखर धवन, एलेक्स केरि (विकेटकिपर), श्रेयस ऐर (कप्तान), अजिंक्या रहाणे, मार्कस स्टोइनिस, रविचन्द्रन आश्विन, अक्षर पटेल, कागिसो रबाडा, एनरिच नोर्टजे र तुषारदेशपान्डे ।

राजस्थानको प्लेइङ ११ – जस बटलर (विकेटकिपर), रोबिन उथप्पा, स्टिभ स्मिथ (कप्तान), सन्जु स्यामसन, रियान पराग, राहुल टेवाटिया, जोफ्रा आर्चर, कार्तिक त्यागि, श्रेयस गोपाल, जयदेव उनदकट र बेन स्टोक्स