एजेन्सी – इन्डियन प्रिमियर लिग ९आइपिएल० २०२० को २७ औं खेलमा दिल्ली क्यापिटल्सले मुम्बई इन्डियन्सविरुद्ध पहिला ब्याटिङ गर्ने भएको छ । शेख जायद स्टेडियम आबूधाबीमा दिल्लीका कप्तान श्रेयस ऐरले टस जितेर पहिला ब्याटिङ गर्ने निर्णय लिएका हुन् ।

दिल्लीले टोलीमा आज दुई परिवर्तन गरेको छ । शिम्रन हेटमायरको स्थानमा एलेक्स केरीलाई मौका दिएको छ । त्यस्तै ऋषभ पन्तको स्थानमा अजिंक्या रहाणेले मौका पाएका छन् । पन्त बेन्चमा बसेसँगै केरिले किपर गर्ने छन् ।

दिल्लीले ब्याटिङ बलियो बनाउन दुई खेलाडी परिवर्तन गरेको हो । मुम्बईले भने टोलीमा कुनै परिवर्तन गरेको छैन । नेपाली लेगस्पिनर सन्दीप लामिछानेलाई भने लगातार सातौं खेलमा बेन्चमा राखिएको छ । दिल्लीको बलिङ उत्कृष्ट हुँदा ब्याटिङ बलियो बनाउन दुई खेलाडी परिवर्तन गरेको हो । दिल्ली ६ खेलमा ५ मा जित र १ मा हार सहित १० अंक जोड्दै शीर्ष स्थानमा छ ।

मुम्बई ६ खेलमा ४ मा जित र २ मा हार सहित ८ अंकका साथ दोस्रो स्थानमा छ । आइपिएलमा यी दुई टोलीबीच कुल २४ खेल भएको छ । जसमा दुबै टोलीले १२–१२ जित निकालेका छन् । गतवर्ष दिल्ली ३७ रनले विजयी हुँदा अर्कोमा ४० रनले पराजित भएको थियो ।

दिल्लीको प्लेइङ ११ – पृथ्वी शा, शिखर धवन, एलेक्स केरि९विकेटकिपर०, श्रेयस ऐर ९कप्तान०, अजिंक्या रहाणे, मार्कस स्टोइनिस, रविचन्द्रन आश्विन, अक्षर पटेल, कागिसो रबाडा, एनरिच नोर्टजे र हर्षल पटेल ।

मुम्बईको प्लेइङ ११ – रोहित शर्मा ९कप्तान०, क्विन्टन डी कक, सूर्यकुमार यादव, ईशान किशन, क्रुनाल पान्ड्या, हार्दिक पान्ड्या, काइरन पोलार्ड, जेम्स प्याटिनसन, राहुल चहर, ट्रेन्ट बोल्ट र जस्प्रित बुमराह ।