एजेन्सी – इन्डियन प्रिमियर लिग (आइपिएल) को २५ औं खेलमा रोयल च्यालेन्जर्स बेंगलोरले चेन्नई सुपर किंग्सबिरुद्ध पहिला ब्याटिङ गर्ने भएको छ ।

दुबई इन्टरनेशनल क्रिकेट स्टेडियममा भएको टसमा बेंगलोरका कप्तान विराट कोहलीले टस जितेर पहिला ब्याटिङ गर्ने निर्णय लिएका हुन् । आज बेंगलोरले टोलीमा दुई परिवर्तन गरेको छ । बेंगलोरले आज क्रिस मोरिस र गुरक्रितमान सिंहलाई मौका दिएको छ ।

मोरिसले मोईन अलीको स्थान लिएका हुन् । गुरक्रित सिंहले मोहम्मद सिराजको स्थान लिएका छन् । चेन्नईले टोलीमा एक परिवर्तन गरेको छ । केदार जाधवको स्थानमा युवा ब्याट्सम्यान नारायण जगदेसनलाई मौका दिएको छ ।

चेन्नई ६ खेलमा ४ मा हार र २ मा जित सहित छैटौं स्थानमा छ । बेंगलोर ५ खेलमा ३ मा जित र २ मा हार सहित पाँचौ स्थानमा छ । आइपिएलमा यी दुई टोली बीच कुल २४ खेल भएको छ । जसमा चेन्नई १५ खेलमा विजयी हुँदा ८ खेलमा पराजित भएको छ । एक खेलको नतिजा बिहिन छ । गतवर्ष चेन्नई ७ विकेटले विजयी हुँदा अर्कोमा १ रनले पराजित हुन पुगेको थियो । सन् २०१८ र २०१५ मा चेन्नईलाई बेंगलोरले हराउन सकेको थिएन ।

चेन्नई प्लेइङ ११ – अम्बाती रायुडू, शेन वाटसन, फाफ डु प्लेसिस, शार्दुल ठाकुर, नारायण जगदेसन, महेन्द्र सिंह धोनी (कप्तान तथा विकेटकिपर), रविन्द्र जडेजा, साम करन, दीपक चहर, करण शर्मा र ड्वेन ब्राभो

बेंगलोरको प्लेइङ ११ – आरोन फिन्च, देवदत्त पाडिक्कल, विराट कोहली (कप्तान) एवी डि भिलियर्स, क्रिस मोरिस, शिवम दुबे, वासिन्टन सुन्दर, गुरक्रित सिंहमान, नवदीप सैनी, इसुरु उडना र युजभेन्द्र चहल