एजेन्सी – इन्डियन प्रिमियर लिग (आइपिएल) को २३ औं खेलमा राजस्थान रोयल्सले दिल्ली क्यापिटल्सविरुद्ध पहिला फिल्डिङ गर्ने भएको छ ।

शारजाहमा भएको टसमा राजस्थानका कप्तान स्टिभ स्मिथले टस जितेर पहिला फिल्डिङ गर्ने निर्णय लिएका हुन् । राजस्थानले आज टोलीमा दुई परिवर्तन गरेको छ । दुबै तीव्र गतिका बलरलाई मौका दिएको छ । तीव्र गतिका बलर एन्ड्र्यू टाईलाई आजको खेलमा मौका दिएको छ । टाइलाई मौका दिदा अलराउन्डर टम करनलाई बेन्चमा राखेको छ ।

त्यस्तै अर्का तीव्र गतिका बलर वरुण आरोनलाई मौका दिएको छ । अंकित राजपुतको स्थानमा उनलाई मौका दिएको हो । दिल्लीले भने टोलीमा कुनै परिवर्तन गरेको छैन । नेपाली लेगस्पिनर सन्दीप लामिछानेलाई लगातार छैटौं खेलमा बेन्चमा राखेको छ ।

दिल्ली ५ खेलमा ४ मा जित र १ मा हार सहित ८ अंक जोड्दै दोस्रो स्थानमा छ । राजस्थानले भने ५ खेलमा ३ मा हार र २ मा जित सहित सातौं स्थानमा छ ।

राजस्थानको प्लेइङ ११ – जस बटलर (विकेटकिपर) , यशस्वी जैसवाल, स्टिभ स्मिथ (कप्तान), सन्जु स्यामसन, महिपाल लामरोर, राहुल टेवाटिया, जोफ्रा आर्चर, कार्तिक त्यागि, एन्ड्र्यू टाई, श्रेयस गोपाल र बरुन आरोन।

दिल्लीको प्लेइङ ११ – पृथ्वी शा, शिखर धवन, शिम्रन हेटमायर, श्रेयस ऐर (कप्तान), ऋषभ पन्त (विकेटकिपर), मार्कस स्टोइनिस, रविचन्द्रन आश्विन, अक्षर पटेल, कागिसो रबाडा, एनरिच नोर्टजे र हर्षल पटेल ।