default_image

9 years ago

September 7, 2016

सिप्यानको पहलमा आरिफ र सुनिललाई सिप्रदीको प्रायोजन

119 views

0 Bookmark

नेपाल क्रिकेट खेलाडी संघ (सिप्यान) को पहलमा थप दुई क्रिकेट खेलाडी व्यवसायिक कम्पनीसँग आबद्ध भएका छन् । नेपाली यू १९ क्रिकेट टोलीका उपकतान मोहम्मद आरिफ शेख र सुनिल धमला सिप्रदी ट्रेडिङ लिमिटेडसँग आबद्ध भएका छन् ।

Sunil Dhamala and Aarikh Sheif

सिप्यानको पहलमो यो तेस्रो सम्झौता हो । अघिल्लो सातामा यू १९ कप्तान राजु रिजाल र प्रेम तामाङ एनआइसी एसिया बैंकसँग आबद्ध भएका थिए । केही महिना अघि सन्दीप लामिछानेलाई सानिमा बैंकले प्रायोजन गरेको थियो । सिप्रदीले मोहम्मद आरिफ र सुनिल दुवैलाई दुई बर्षसम्म मासिक २० हजार रुपैयाँ दिनेछ । अघिल्ला सबै खेलाडीले पनि मासिक २० हजार रुपैयाँमा सम्झौता गरेका थिए । होटल अन्नपूर्णमा आयोजित सम्झौता कार्यक्रमपछि सिप्रदीका निर्देशक सम्भुप्रसाद दाहालले मासिक २० हजार रुपैयाँका साथै क्रिकेट सामग्री उपलब्ध गराउने जनाएका थिए । दहालले खेलाडीलाई प्रायोजन गर्न पाउँदा खुसी लागेको बताए ।

आरिफ र सुनिलले सम्झौताले खेलप्रति अझै उत्साहित भएर लाग्न प्रेरणा मिलेको बताए । सिप्यानका महासचिव समेत रहेका राष्ट्रिय क्रिकेट टोलीका कप्तान पारस खड्काले पछिल्ला सम्झौताहरुले खेलाडीहरुमा उत्साहको सञ्चार भएको उल्लेख गरे । उनले भने,‘सम्झौता भएका खेलाडीले कम्तीमा आफ्नो घरमा आर्थिक रुपमा थोरै सहयोग गर्ने वातावरण मिल्नेछ । यसले खेलाडीले खुला भएर खेल्न सक्छ भन्ने हाम्रो विश्वास हो । आगामी दिनमा अन्य खेलाडीलाई पनि यसरी सम्झौता गराउन सकिनेमा हामी आशावादी र त्यसतर्फ पहल गरिरहेका छौं ।’ पूर्व कप्तान पवन अग्रवालको नेतृत्वमा केहि महिना सिप्यानको नयाँ कार्यसमिति चयन भएको थियो ।

March 14, 2025

लुम्बिनी र मधेश आइजिपी कपको फाइनलमा‌

काठमाडौं (हाम्रो खेलकुद)- लुम्बिनी प्रदेश र मधेश प्रदेश प्रहरी कार्यालय प्रथम आइजिपी कप क्रिकेट प्रतियोगिता २०८१ को उपाधिका लागि भिड्ने भएका छन्। शुक्रवार भएको सेमिफाइनलमा लुम्बिनीले सुदूरपश्चिम प्रदेश प्रहरी कार्यालयलाई १ सय ९ र मधेशले राष्ट्रिय प्रहरी प्रशिक्षण प्रतिष्ठान टिमलाई १२ रनले हराउँदै फाइनल पुगेका हो। पहिलो सेमिफाइनलमा टस हारेर पहिले ब्याटिङको निम्तो पाएको लुम्बिनीले […]

March 14, 2025

पिएम कप – बागमतीको पहिलो जित

काठमाडौं (हाम्रो खेलकुद) – बागमती प्रदेशले प्रधानमन्त्री(पिएम) कप पुरुष एकदिवसिय राष्ट्रिय क्रिकेट प्रतियोगिता २०२५ मा पहिलो जित हासिल गरेको छ । शुक्रवार भएको आफ्नो तेस्रो खेलमा पहिलो जित निकाल्ने क्रममा बागमतीले सुदूरपश्चिम प्रदेशलाई ५५ रनले पराजित गरेको हो । २ सय ६७ रनको लक्ष्य पछ्याएको सुदूरपश्चिम ४७ ओभरमा २ सय ११ रनमा समेटियो । सुदूरपश्चिमका […]

March 14, 2025

नेपालको सान्त्वना जित

काठमाडौं(हाम्रो खेलकुद) – युगाण्डामा जारी वुमेन्स कप टि ट्वान्टी आई सिरिजमा नेपालले सान्त्वना जित हासिल गरेको छ । लिग चरणको अन्तिम खेलमा नेपालले हङकङलाई ६ विकेटले हराउँदै सान्त्वना जित हात पारेको हो । हङकङ १ सय ५ रनको लक्ष्य नेपालले १९.३ ओभरमा ४ विकेट गुमाएर पूरा गर्यो । नेपालका लागि ओपनर सम्झना खड्काले सर्वाधिक ४७ […]

Success

Thank you for your time.