एजेन्सी– इन्डियन प्रिमियर लिग (आइपिएल) को २० औं खेलमा मुम्बई इन्डियन्सले राजस्थान रोयल्सबिरुद्ध पहिला ब्याटिङ गर्ने भएको छ ।

शेख जायद स्टेडियम आबूधाबीमा भएको टसमा मुम्बईका कप्तान रोहित शर्माले टस जितेर पहिला ब्याटिङ गर्ने निर्णय लिएका हुन् । मुम्बईले टालीमा परिवर्तन गरेको छैन । यता राजस्थानले टोलीमा तीन परिवर्तन गरेको छ । युवा तीव्र गतिका बलर कार्तिक त्यागीलाई आजको खेलमा डेब्यु गराएको छ ।

यशस्वी जैसवाल र अंकित राजपूतले पनि टोलीमा पुनरागमन गरेका छन् । राजस्थानले आज रोविन उथाप्पा, रियान पराग र जयदेव उनादकटलाई बेन्चमा राखेको छ । त्यागीलाई उनादकटको स्थानमा मौका दिएको हो । जैसवाललाई उथप्पा र अंकितलाई रियानको स्थानमा मौका दिएको हो ।

मुम्बई पहिलो खेलमा चेन्नई सुपर किंग्सँग ५ विकेटले पराजित भएको थियो । दोस्रो खेलमा कोलकाता नाइट राइडर्सलाई ४९ रनले पराजित गरेको थियो । रोयल च्यालेन्जर्स बेंगलोरसँग सुपर ओभरमा पराजित हुन पुगेको थियो । किंग्स इलेभेन पन्जाबलाई ४८ रन र सनराइजर्स हैदराबादलाई ३४ रनले पराजित गरेको थियो ।

यता राजस्थानले पहिलो खेलमा चेन्नईलाई १६ रन र दोस्रोमा पन्जाबलाई ४ विकेटले पराजित गरेको थियो । तर कोलकातासँग ३७ रन र बेंगलोरसँग ८ विकेटले पराजित हुन पुग्यो ।

मुम्बईको प्लेइङ ११ – रोहित शर्मा (कप्तान), क्विन्टन डी कक, सूर्यकुमार यादव, ईशान किशन, क्रुनाल पान्ड्या, हार्दिक पान्ड्या, काइरन पोलार्ड, जेम्स प्याटिनसन, राहुल चहर, ट्रेन्ट बोल्ट र जस्प्रित बुमराह ।

राजस्थानको प्लेइङ ११ – जस बटलर, यशस्वी जैसवाल, स्टिभ स्मिथ, सन्जु स्यामसन, महिपाल लामरोर, राहुल टेवाटिया, जोफ्रा आर्चर, कार्तिक त्यागि, टम करन, श्रेयस गोपाल र अंकित राजपुत ।