एजेन्सी – इन्डियन प्रिमियर लिग (आइपिएल) को १८ औं खेलमा चेन्नई सुपर किंग्सबिरुद्ध किंग्स इलेभेन पन्जाबले पहिला ब्याटिङ गर्ने भएको छ ।

दुबईमा भएको टसमा पन्जाबका कप्तान लोकेश राहुलले जितेर पहिला ब्याटिङ गर्ने निर्णय लिएका हुन् । पन्जाबले आजको खेलमा तीन खेलाडी परिवर्तन गरेको छ । चेन्नईले कुनै खेलाडी परिवर्तन गरेको छैन । पन्जाबले आज कृष्णाप्पा गौथम, करुण नायर र जेम्श निसमलाई बेन्चमा राखेको छ । मनदीप सिंह, हरप्रित बार र क्रिस जोर्डनलाई मौका दिएको छ ।

पन्जाब पहिलो खेलमा दिल्लीसँग सुपर ओभरमा पराजित भएको थियो । दोस्रो खेलमा रोयल च्यालेन्जर्स बेंगलोरलाई ९७ रनको फराकिलो अन्तरले पराजित गरेको थियो । तेस्रो खेलमा राजस्थान रोयल्ससँग ४ विकेट र मुम्बईसँग ४८ रनले पराजित भएको थियो ।

चेन्नईको ब्याटिङ कमजोर देखिएको छ । पहिलो खेलमा मुम्बईलाई ५ विकेटले हराएपनि त्यसपछि लगातर हार बेहोरेको छ । चेन्नई राजस्थानसँग १६ रन, दिल्लीसँग ४४ रन र हैदराबादसँग ७ रनले पराजित भएको थियो ।

चेन्नई प्लेइङ ११ – अम्बाती रायुडू, शेन वाटसन, फाफ डु प्लेसिस, शार्दुल ठाकुर, केदार जाधव, महेन्द्र सिंह धोनी (कप्तान तथा विकेटकिपर), रविन्द्र जडेजा, साम करन, दीपक चहर, पियुष चवला र ड्वेन ब्राभो

पन्जाबको प्लेइङ ११ – लोकेश राहुल (कप्तान तथा विकेटकिपर), मंयक अग्रवाल, मनदीप सिंह, शरफराज खान, ग्लेन म्याक्सवेल, निकोलस पूरन, हरप्रित बार, क्रिस जोर्डन, रबि बिश्रोई, मोहम्मद शामी र शेल्डन कटरेल