एजेन्सी – इन्डियन प्रिमियर लिग (आइपिएल) को १७ औं खेलमा मुम्बई इन्डियन्सले सनराइजर्स हैदराबादबिरुद्ध पहिला ब्याटिङ गर्ने भएको छ ।

शारजाहमा भएको टसमा मुम्बईका रोहित शर्माले टस जितेर पहिला ब्याटिङ गने निर्णय लिएका हुन् । मुम्बईले आजको खेलमा टोलीमा परिवर्तन गरेको छैन । हैदराबादले भने टोलीमा दुई परिवर्तन गरेको छ । प्रमुख बलर भुवनेश्वर कुमार चोटका कारण आजको खेलमा उपलब्ध छैनन् ।

भुवनेश्वर कुमारको चेन्नईबिरुद्ध १९ औं ओभरमा खुट्टाको एंकलमा समस्या देखिएको थियो । भुवनेश्वर कुमारको स्थानमा सन्दीप शर्माले मौका पाएका छन् । अर्का तीव्र गतिका बलर खलिल अहमदको स्थानमा सिद्धार्थ कौललाई मौका दिएको छ ।

दुवै टोली तेस्रो जितको सोचमा छन् । मुम्बई ४ खेलमा समान २ मा जित र हारका साथ दोस्रो स्थानमा छ । हैदराबाद ४ खेलमा समान २ मा जित र हार सहित चौथो स्थानमा छ । शारजाहको बाउन्ड्री छोटो छ । आइपिएल जारी सिजनमा शारजाहमा तीन खेल भएका छन् । जसमा तीन खेलमा सबै टोलीले २ सय माथिको योगफल कटाएका छन् । शारजाहमा २ सय भन्दा कम योगफल सुरक्षित देखिदैन ।

हैदराबादको प्लेइङ ११ – डेविड वार्नर (कप्तान) जोनी बेयरस्टो (विकेटकिपर), मनिष पान्डे, अब्दुल साम्सद, प्रियम गर्ग, अभिषेक शर्मा, केन विलियम्सन, राशिद खान, सन्दीप शर्मा , टि नटराजन र सिद्धार्थ कौल ।

मुम्बईको प्लेइङ ११ – रोहित शर्मा (कप्तान), क्विन्टन डी कक, सूर्यकुमार यादव, ईशान किशन, क्रुनाल पान्ड्या, हार्दिक पान्ड्या, काइरन पोलार्ड, जेम्स प्याटिनसन, राहुल चहर, ट्रेन्ट बोल्ट र जस्प्रित बुमराह ।