एजेन्सी – इन्डियन प्रिमियर लिग (आइपिएल) को १३ औं खेलमा किंग्स इलेभेन पन्जाबले टस जितेर मुम्बई इन्डियन्सबिरुद्ध पहिला फिल्डिङ गर्ने भएको छ ।

शेख जायद स्टेडियम आबूधाबीमा भएको टसमा पन्जाबका कप्तान लोकेश राहुलले जितेर पहिला फिल्डिङ गर्ने निर्णय लिएका हुन् । पन्जाबले आज टोलीमा एक परिवर्तन गरेको छ । स्पिनर मुरुगन आश्विनको स्थानमा अलराउन्डर कृष्णाप्पा गौथमलाई मैदान उतारेको छ ।

स्पिन अलराउन्डर गौथमको आगमनले पन्जाबको टोली थप मजबुत बन्ने छ । पन्जाबले क्रिस गेल र स्पिनर मुजिब उर रहमानलाई आजको खेलमा पनि बेन्चमा राखेको छ । मुम्बईले टोलीमा कुनै परिवर्तन गरेको छैन ।

पहिलो खेलमा पन्जाब दिल्ली क्यापिटल्ससँग सुपर ओभरमा पराजित भएको थियो । दोस्रो खेलमा पन्जाबले रोयल च्यालेन्जर्स बेंगलोरलाई ९७ रनले पराजित गरेको थियो । तेस्रो खेलमा राजस्थान रोयल्ससँग ४ विकेटले पराजित हुन पुगेको थियो ।

मुम्बई पहिलो खेलमा चेन्नई सुपर किंग्ससँग ५ किकेटको पराजित भएको थियो थियो । दोस्रो खेलमा कोलकाता नाइट राइडर्सलाई ४९ रनले पराजित गरेको थियो । मुम्बई बेंगलोरसँग सुपर ओभरमा पराजित हुन पुगेको थियो ।

पन्जाबको प्लेइङ ११ – लोकेश राहुल (कप्तान तथा विकेटकिपर), मंयक अग्रवाल, करुण नायर, शरफराज खान, ग्लेन म्याक्सवेल, निकोलस पूरन, कृष्णा गौथम , जेम्श निशम, रबि बिश्रोई, मोहम्मद शामी र शेल्डन कटरेल ।

मुम्बईको प्लेइङ ११ – रोहित शर्मा (कप्तान), क्विन्टन डी कक, सूर्यकुमार यादव, ईशान किशन, क्रुनाल पान्ड्या, हार्दिक पान्ड्या, काइरन पोलार्ड, जेम्स प्याटिनसन, राहुल चहर, ट्रेन्ट बोल्ट र जस्प्रित बुमराह ।