एजेन्सी – इन्डियन प्रिमियर लिग (आइपिएल) को १२ औं खेलमा राजस्थान रोयल्सले कोलकाता नाइट राइडर्सबिरुद्ध पहिला फिल्डिङ गर्ने भएको छ ।

दुबई इन्टरनेशनल स्टेडियममा भएको टसमा राजस्थानका कप्तान स्टिभ स्मिथले टस जितेर पहिला फिल्डिङ गर्ने निर्णय लिएका हुन् । राजस्थान लगातार तेस्रो र कोलकाता नाइट राइडर्स दोसो जित निकाल्ने सोचमा छन् । दुबै टोलीले खेलाडीमा आज कुनै परिवर्तन गरेका छैनन् । राजस्थानले पहिलो खेलमा चेन्नई सुपर किंग्सलाई १६ रनले हराएको थियो । दोस्रो खेलमा किंग्स इलेभेन पन्जाबलाई ४ विकेटले हराएको थियो ।

कोलकाता पहिलो खेलमा मुम्बई इन्डियन्ससँग ४९ रनले पराजित भएको थियो । दोस्रो खेलमा सनराइजर्स हैदराबादलाई ७ विकेटले पराजित गरेको थियो । आइपिएलमा यी दुई टोेलीबीच कुल २१ खेल भएको छ । जसमा दुबै टोलीले समान १० खेल जितेका छन् । एक खेल नतिजा बिहिन छ ।

गतवर्ष लिग चरणमा कोलकाता ८ विकेट र राजस्थान तीन विकेटले विजयी भएका थिए । सन् २०१८ मा कोलकाताले तीनै खेलमा राजस्थानलाई हराएको थियो ।

राजस्थानको प्लेइङ ११ – रोबिन उथप्पा, अंकित राजपूत, सन्जु स्यामसन, स्टिभ स्मिथ(कप्तान), जस बटलर(विकेटकिपर) , रियान पराग, राहुल टेवाटिया, टम करन, जोफ्रा आर्चर, श्रेयस गोपाल, जयदेव उनादकट ।

कोलकाता प्लेइङ ११ – सुनिल नारायण, सुवमन गिल, नितेश राणा, ओईन मोर्गन, आन्द्रे रसेल, दिनेश कार्तिक (विकेटकिपर तथा कप्तान), कमलेश नगरकोटी, प्याट कमिन्स, कुलदीप यादव, बरुण चकबर्ती र शिवम माभी ।