एजेन्सी – इन्डियन प्रिमियर लिग (आइपिएल) २०२० को नवौं खेलमा राजस्थान रोयल्सले किंग्स इलेभेन पन्जाबबिरुद्ध पहिला फिल्डिङ गर्ने भएको छ ।

शारजाह क्रिकेट स्टेडियममा टस मा राजस्थानका कप्तान स्टिभ स्मिथले पहिला फिल्डिङ गर्ने निर्णय लिएका हुन् । राजस्थानले टोलीमा आज दुई परिवर्तन गरेको छ । इंग्ल्यान्डका ओपनर जस बटलर खेल्ने भएका छन् । बटलर खेल्ने भएपछि डेभिड मिलरलाई बेन्चमा राखेको छ । त्यस्तै युवा ब्याट्सम्यान यशस्वी जैसवालको स्थानमा अंकित राजपूतलाई मौका दिएको छ ।

पन्जाबले टोलीमा आज कुनै परिवर्तन गरेको छैन । योसँगै आक्रामक ब्याट्सम्यान क्रिस गेल आजको खेलमा पनि बेन्चमै रहेका छन् । राजस्थान र पन्जाब लगातार दोस्रो जितको खोजिमा छन् । पहिलो खेलमा राजस्थानले चेन्नई सुपर किंग्सलाई १६ रनले पराजित गरेको थियो । पहिलो खेलमा दिल्लीसँग सुपर ओभरमा पराजित भएको पन्जाबले उत्कृष्ट पूनरागमन सहित रोयल च्यालेन्जर्स बेंगलोरलाई ९७ रनले हराएको गरेको थियो ।

आइपिएलमा यी दुई टोलीबीच कुल १९ खेल भएको छ । जसमा राजस्थान १० खेलमा विजयी हुँदा ९ खेलमा पराजित भएको थियो ।

पन्जाबको प्लेइङ ११ : लोकेश राहुल (कप्तान तथा विकेटकिपर), मंयक अग्रवाल, करुण नायर, शरफराज खान, ग्लेन म्याक्सवेल, निकोलस पूरन, मुरुगुन आश्विन , जेम्श निशम , रबि बिश्रोई, मोहम्मद शामी र शेल्डन कटरेल

राजस्थानको प्लेइङ ११ : रोबिन उथप्पा, अंकित राजपूत, सन्जु स्यामसन, स्टिभ स्मिथ, जस बटलर, रियान पराग, राहुल तेवतिया, टम करन, जोफ्रा आर्चर, श्रेयस गोपाल, जयदेव उनादकट