4 years ago
September 24, 2020
एजेन्सी – अष्ट्रेलिया पूर्व चर्चित खेलाडी तथा कमेन्टेटर डीन जोन्सको ५९ वर्षको उमेरमा हृदयघातको कारण निधन भएको छ । उनको बिहिबार मुम्बईमा हृदयघातको कारण निधन भएको हो ।
जोन्स इन्डियन प्रिमियर लिग (आइपिएल) मा स्टार नेटवर्कको कमेन्टेटरको रुपमा मुम्बईस्थित स्टुडियोमा रहेका थिए । लोकप्रिय कमेन्टेटरको जोन्सले अष्ट्रेलियाका पूर्व शीर्षक्रमका ब्याट्सम्यान समेत हुन् । जोन्सले ५२ टेष्ट र १ सय ६४ ओडिआई खेलेका छन् । टेष्टमा ११ शतक र १४ अर्ध शतक सहित ३ हजार ६ सय ३१ रन बनाएका छन् । उच्च प्रर्दशन २ सय १६ थियो । ओडिआईमा ७ शतक र ४६ अर्ध शतक सहित ६ हजार ६८ रन बनाएका छन् । उनी ओडीआई क्रिकेटमा आधुनिक शैलीको ब्याटिङको संवाहकको रुपमा चिनिने गर्छन् ।
सन् १९८७ मा अष्ट्रेलियाले विश्वकप जित्दा जोन्स टोलीमा रहेका थिए । सन् १९८० देखि ९० को दशकमा जोन्स विश्वकै एक उत्कृष्ट र लोकप्रिय ब्याट्सम्यान थिए । जोन्सले सन् १९८४ मा वेस्टइन्डिजविरुद्ध टेष्टमा डेब्यु गरेका थिए । १९९२ मा श्रीलंकाविरुद्धबाट टेष्टबाट सन्न्यास लिएका थिए । ओडिआईमा सन् १९८४ मा पाकिस्टानविरुद्ध ओडिआईमा डेब्यु गर्दा सन् १९९४ मा दक्षिण अफ्रिकाविरुद्ध अन्तिम खेल खेलेका थिए ।
सन् १९९० मा इंग्ल्यान्डविरुद्ध ओडिआईमा उनले प्रहार गरेको १ सय ४५ रनको इनिङ उनको करिअरको उत्कृष्ट प्रर्दशन मानिन्छ । टेष्टमा सन् १९८६ मा चेन्नईमा भारतविरुद्ध २ सय १० रनको इनिङ एक उत्कृष्ट प्रर्दशन मानिन्छ । उनले १९८९ मा वेस्टइन्डिजविरुद्ध टेष्ट करिअरको रुपमा २ सय १६ रनको उत्कृष्ट प्रर्दशन गरेका थिए ।
पछिल्लो समय उनी कमेन्टेटरको रुपमा लोकप्रिय थिए । गतवर्ष इंग्ल्यान्डमा भएको आइसिसी एक दिवसिय विश्वकपमा उनले कमेन्टेटरको रुपमा दमदार विश्लेषण गरेका थिए ।
March 10, 2025
काठमाडौं (हाम्रो खेलकुद) – प्रधानमन्त्री कप राष्टिय क्रिकेट प्रतियोगितामा सुदुरपश्चिम प्रदेशले पहिलो जित हात पारेको छ । लमहीस्थित क्रिकेट मैदानमा सुदरले गण्डकी प्रदेशलाई ६ विकेटले हरायो । सुदरको जितमा किरण ठगुन्नाको अविजित सानदार शतक प्रमुख बन्यो । जितका लागि २ सय २१ रनको लक्ष्य पछाएको सुदरले ४३ ओभरमा ४ विकेट गुमाउँदै सहजै लक्ष्य पुरा गर्यो […]
March 10, 2025
काठमाडौं (हाम्रो खेलकुद)- प्रधानमन्त्री कप (पिएम) राष्ट्रिय क्रिकेट प्रतियोगितामा त्रिभुवन आर्मी क्लबले विजयी सुरुवात गरेको छ। खराब ब्याटिङ प्रदर्शन गरेको बागमती प्रदेशलाई सोमवार आर्मीले १ सय ३४ रनको फराकिलो अन्तरमा हरायो। बागमतीको यो लगातार दोस्रो हार हो। भैरवहाको सिद्धार्थ क्रिकेट स्टेडियममा भएको खेलमा बागमतीले जितको लागि २ सय ६३ रनको लक्ष्य पछाएको थियो। जहाँ बागमती […]
March 10, 2025
एजेन्सी – पाकिस्तानका पूर्व बलर शोएब अख्तरले आइतवार दुबईमा सम्पन्न च्याम्पियन्स ट्रफीको पुरस्कार वितरण समारोहमा पाकिस्तानको प्रतिनिधि उपस्थित नभएकोमा निराशा व्यक्त गरेका छन्। अख्तरले पाकिस्तान क्रिकेट बोर्ड (पिसिबी) को कोही प्रतिनिधि त्यहाँ उपस्थित हुनुपर्ने र भारतका कप्तान रोहित शर्मालाई ट्रफी हस्तान्तरण गर्नुपर्ने बताएका छन्। भारतले रोमाञ्चक फाइनलमा न्युजिल्यान्डलाई ४ विकेटले पराजित गर्दै उपाधि जितेको थियो। […]
