एजेन्सी– इन्डियन प्रिमियर लिग (आइपिएल) २०२० को पाँचौ खेलमा कोलकाता नाइट राइडर्सले मुम्बई इन्डियन्सविरुद्ध पहिला फिल्डिङ गर्ने भएको छ ।

आबूधाबीमा भएको टसमा कोलकाताका कप्तान दिनेश कात्र्तिकले जितेर पहिला फिल्डिङ गर्ने निर्णय लिएका हुन् । कोलकाताले चार विदेशी खेलाडीको रुपमा वेस्टइन्डिजका अलराउन्डर सुनिल नारायण, आन्द्रे रसेल, इंग्ल्यान्डका ब्याट्सम्यान ओईन मोर्गन र अष्ट्रेलिया तीव्र गतिका बलर प्याट कमिन्सलाई खेलाएको छ । चेन्नईविरुद्ध टोलीमा मुम्बईले कुनैपनि परिवर्तन गरेको छैन । त्यहिँ टोलीलाई निरन्तरता दिएको छ ।

मुम्बई पहिलो खेलमा चेन्नई सुपर किंग्ससँग ५ विकेटले पराजित भएको थियो । कोलकाताले जारी सिजनमा पहिलो खेल खेल्दै छ । आइपिएलमा कोलकाता र मुम्बईबीच कुल २५ खेल भएका छन् । जसमा मुम्बई १९ खेलमा विजयी हुँदा ६ खेलमा पराजित भएको छ । एक खेलको नतिजा विहिन छ । पछिल्ला १० खेलमा मुम्बईले कोलकातासँग मात्र एक खेलमा हार बेहोरेको छ ।

मुम्बईको प्लेइङ ११ : रोहित शर्मा (कप्तान), क्विन्टन डी कक, सूर्यकुमार यादव, सौरभ तिवारी, क्रुनाल पान्ड्या, हार्दिक पान्ड्या, काइरन पोलार्ड, जेम्स प्याटिनसन, राहुल चहर, ट्रेन्ट बोल्ट र जस्प्रित बुमराह ।

कोलकाता प्लेइङ ११ : सुनिल नारायण, सुवमन गिल, नितेश राणा, ओईन मोर्गन, आन्द्रे रसेल, दिनेश कार्तिक (विकेटकिपर तथा कप्तान), निखिल नाइक, प्याट कमिन्स, कुलदीप यादव, सन्दीप वारियर र शिवम माभी ।