5 years ago
August 18, 2020
एजेन्सी – क्यारेबियन प्रिमियर लिग (सिपिएल) सिजन २०२० आजदेखि ट्रिनिडाड एण्ड टोबेगोमा सुरु हुँदैछ ।
सिपिएलमा ६ फ्रेन्चाइज टोली छन् । सेन्ट किट्स एन्ड नेभिस पेट्रीयट्स, बार्बाडोस ट्राइडेन्ट्स, गुयाना एमेजन वारियर्स, सेन्ट लुसिया जुक्स, जमैका तलावाज र ट्रीनबेगो नाइट राइडर्सबीच राउन्ड रोबिनको आधारमा प्रतिस्पर्धा हुनेछ । शीर्ष चार टोली सेमिफाइनलमा पुग्ने छन् ।
नेपाली लेग स्पिनर सन्दीप लामिछाने यस सिजन जमैकाबाट सिपिएल खेल्ने छन् । सिपिएल सेप्टेम्बर १० सम्म चल्ने छ । सेप्टेम्बर १९ देखि यूएईमा इन्डियन प्रिमियर लिग (आइपिएल) सुरु हुने हुँदा सिपिएल खेलाडीलाई कोरोना महामारीपछि सबैभन्दा राम्रो तयारी पनि हुने छ ।
सिपिएलको उद्धघाटन खेलमा आज गुयाना एमेजन वारियर्स र ट्रीनबेगो नाइट राइडर्सबीच प्रतिस्पर्धा हुँदै छ । खेल बेलुका ७ : ४५ देखि सुरु हुने छ । गुयानामा वेस्टइन्डिजका युवा ब्याट्सम्यान शिम्रन हेटमायर, निकोलस पूरन, न्युजिल्यान्डका अनुभवी ब्याट्सम्यान रस टेलर, दक्षिण अफ्रिका स्पिनर इमरान ताहिर, अष्ट्रेलियाका स्पिनर क्रिस ग्रिन जस्ता खेलाडी छन् ।
राइडर्समा वेस्टइन्डिजका अलराउन्डर काइरान पोलार्ड कप्तानका रुपमा छन् । न्युजिल्यान्डका ओपनर कोलिन मुनरो, विकेटकिपर टिम सिफर्ट, जिम्बावेका अलराउन्डर सिकन्दर राजा, भारतीय अनुभवी स्पिनर प्रबिण ताम्बे र वेस्टइन्डिजका अलराउन्डर सुनिल नारायण जस्ता खेलाडी छन् ।
वारियर्स र राइडर्सबीच सिपिएलमा कुल १९ खेल भएको छ । जसमा राइडर्सले १० र वारियर्सले ९ खेल जितेका छन् । सिपिएल कोरोनामहामारी पछि हुने पहिलो टि२० शैलीको प्रतियोगिता र फ्रेन्चाइज लिग हो । कोरोना महामारीको कारण सिपिएलका सबै खेल समर्थक बिनाको खाली रंगशालामा हुने छन् ।
सन्दीप सम्मिलित जमैकाले पहिलो खेल बुधबार जुक्सविरुद्ध खेल्ने छ । नेपाली स्पिनर सन्दीपलाई जमैकाले ९० हजार डलर अर्थात १ करोड ८ लाख नेपाली रुपैयाँमा बराबरीमा अनुबन्ध गरेको थियो । यसअघि राष्ट्रिय टोलीको अन्तराष्ट्रिय खेल जुधेको हुँदा सन्दीपले पूरै सिजन खेल्न पाएका थिएनन् ।
यस पटक सिपिएल र आइपिएल दुवैको समयमा नेपालको कुनैपनि अन्तर्राष्ट्रिय खेल छैन । त्यसैले सन्दीपले सिपिएल र आइपिएल दुबै पुरै संस्करण खेल्ने छन् । यसअघिका दुबै सिजन सन्दीपले फरक फरक टोलीबाट खेलेका थिए । सन्दीपले सन् २०१८ मा सेन्ट किट्स एन्ड नेभिस पेट्रीयट्स र २०१९ मा बार्बाडोस ट्राइडेन्ट्सबाट सिपिएल खेलेका थिए ।
यो पनि पढ्नुहोस् : सिपिएलमा सर्वाधिक विकेट लिन सक्ने पाँच खेलाडी
March 6, 2025
काठमाडौं(हाम्रो खेलकुद) – प्रधानमन्त्री कप एकदिवसीय पुरुष राष्ट्रिय क्रिकेट प्रतियोगिताका लागि कर्णाली प्रदेशको टिम घोषणा भएको छ । बिहीवार कर्णाली प्रदेश क्रिकेट संघले दिवान पुनको कप्तानीमा १५ सदस्यीय टोलीको घोषणा गरेको छ । आगामी आइतवारबाट प्रतियोगिता सुरु हुनेछ । पहिलो पटक प्रतियोगिताका सबै खेल काठमाडौं बाहिर हुदैछ । यस संस्करणको प्रतियोगिता लुम्बिनी प्रदेशका ३ क्रिकेट […]
March 6, 2025
काठमाडौं(हाम्रो खेलकुद) – प्रधानमन्त्री कप एकदिवसीय पुरुष राष्ट्रिय क्रिकेट प्रतियोगिताका लागि बागमती प्रदेशको टिम घोषणा भएको छ । बिहीवार बागमती प्रदेश क्रिकेट संघले पृथु बासकोटाको कप्तानीमा १५ सदस्यीय टोलीको घोषणा गरेको छ । केही महिना अघि सम्पन्न एलिट कपमा बागमतीको कप्तानी गरेका सन्दीप लामिछाने बिना नै टोलीको घोषणा भएको हो । आजै सम्पन्न प्रदेश छनोट […]
March 6, 2025
काठमाडौं(हाम्रो खेलकुद) – ललितपुर जिल्ला प्रधानमन्त्री कप बागमती प्रदेश छनोट प्रतियोगिताको च्याम्पियन बनेको छ । बिहीवार भएको फाइनल खेलमा मकवानपुर जिल्लालाई ६५ रनले पराजित गरि ललितपुर च्याम्पियन बनेको हो । ललितपुरले दिएको १ सय ९३ रनको लक्ष्य पछ्याएको मकवानपुर ३९.५ ओभरमा १ सय २७ रनमा समेटियो । मकवानपुरका लागि विशाल फुयालले ६४ बलमा सर्वाधिक ४१ […]
