एजेन्सी – कप्तान विराट कोहलीले टेष्ट नेतृत्व सम्हालेसँगै घरेलु मैदानमा भारतले टेष्ट सिरिज हारेको छैन । पछिल्लो पटक सन् २०१२ मा भारतले घरेलु मैदानमा चार टेष्ट सिरिज इंग्ल्यान्डसँग २–१ ले गुमाएको थियो ।

त्यसयता भने भारत टेष्ट सिरिजमा घरेलु मैदानमा हाबी हुँदै आएको छ । अष्ट्रेलियाका पूर्व खेलाडी ब्राड हगले पाकिस्तान भारतलाई उसकै घरेलु मैदानमा हराउन सक्ने क्षमता भएको टोली बताएका छन् ।

एक समर्थकको प्रश्नको जवाफ दिनेक्रममा उनले भनेका छन्, ‘भारत र पाकिस्तानको परिस्थीति अनुकूल छ । त्यसैले भारतलाई उसको घरेलु मैदानमा हराउँन सक्षम छ । तर दुई देशबीचको चिसो सम्बन्धको कारण पाकिस्तान भारत जान सक्दैन ।’

त्यसैमा उनले उत्साहित हुँदै थपे, ‘यी दुईबीच टेष्ट सिरिज हुँदा विराट कोहली र बाबर आजममा को उत्कृष्ट हो भन्ने पनि थाहा हुन्छ । जस्प्रित बुमराहको विरुद्ध शाहिन अफ्रिदी हुने छन् । रविचन्द्रन आश्विन विरुद्ध यासिर शाह हुँदा टेष्ट रोमाञ्चक र हेर्न लायक हुने छ ।’

हगको विचारमा पाकिस्तानपछि भारतलाई उसकैं भूमिका हराउँन अष्ट्रेलियाले सक्छ । ‘हामीसँग डेविड वार्नर, मार्नस लाबुसेन र स्टिभ स्मिथ जस्ता ब्याट्सम्यान छन् । अष्ट्रेलियासँग उत्कृष्ट ब्याटिङ लाइनअप र बलिङ हुँदा भारतलाई उसकैं घरेलु मैदानमा हराउँने अवसर पर्खि रहेका छौं’, उनले भने ।

दुई देशबीचको बिग्रँदो सम्बन्धको कारण भारत र पाकिस्तानले पछिल्लो एक दशक देखि टेष्ट सिरिज खेलेका छैनन् ।