एजेन्सी – बंगलादेशका पूर्वकप्तान मशराफे विन मोर्तजा सहित तीन क्रिकेटरलाई कोरोना संक्रमण भएको छ । मोर्तजा सहित बायाँ हाते स्पिनर नाजमुल इस्लाम र पुर्व ओपनर ब्याट्सम्यान नसीफ इकवालमा कोरोना भाइरस पोजेटिम देखिएको हो ।

३६ वर्षिय मोर्तजालाई बिहीबार ज्वोरो आएपछि शुक्रबार परिक्षण गरिएको थियो । शुक्रबार परिक्षणमा उनीमा कोरोना पोजेटिभ देखिएको हो । मोर्तजाले घरमै उपचार गरि रहेका छन् । बंगलादेशका कप्तान मोर्तजाले गत मार्चमा जिम्बावेसँगको तीन ओडिआई सिरिज देखी कप्तान पददेखि राजिनामा दिएका थिए ।

तीब्र गतिका बलर मोर्तजाले ३६ टेष्ट, २ सय २० ओडिआई र ५४ टि२० आई खेलेका छन् । बंगलादेशका सफल कप्तान मोर्तजाले सन् २००१ मा टेष्ट तथा ओडिआई र २००६ मा टि२० आईमा जिम्बावेविरुद्ध डेब्यु गरेका थिए । उनले टेष्टमा ७८, ओडिआईमा २ सय ७० र टि२० आईमा ४२ विकेट लिएका छन् ।

२८ वर्षिय स्पिनर इस्लामले बंगलादेशबाट १ टेष्ट, ५ ओडिआई र १३ टि२० आई खेलेका छन् । सन् २०१८ नोभेम्बरमा जिम्बावेविरुद्ध टेष्टमा डेब्यु गरेका उनले ४ विकेट लिएका छन् । त्यस्तै सन् २०१८ सेप्टेम्बरमा अफगानिस्तानविरुद्ध ओडिआईमा डेब्यु गरेका इस्लामले ५ विकेट लिएका छन् । त्यसैवर्ष फेब्रुअरीमा श्रीलंकाविरुद्ध टि२० आईमा डेब्यु गरेका इस्लामले ८ विकेट लिएका छन् ।

३४ वर्षिय ओपनर इकवालले ११ टेष्ट र १६ ओडिआई खेलेका छन् । उनले सन् २००४ मा न्युजिल्यान्डविरुद्ध टेष्टमा डेब्यु गर्दा २००६ मा श्रीलंकाविरुद्ध अन्टिम टेष्ट खेलेका थिए । टेष्टमा उनले १ शतक र २ अर्ध शतक सहित ५ सय १८ रन बनाएका छन् । त्यस्तै सन् २००३ मा इंग्ल्यान्डविरुद्ध ओडिआईमा डेब्यु गर्दा २००५ मा अष्ट्रेलियाविरुद्ध अन्तिम खेल खेलेका थिए । ओडिआईमा उनले ३ सय ९ रन बनाएका छन् । नसीफ बंगलादेशका ओपनर तमिम इकवालका दाई पर्दछन् ।

बंगलादेशमा हालसम्म १ लाख ८ हजार भन्दा बढीमा संक्रमण देखिदा १ हजार ४ सय २५ जनाको मृत्यु भई सकेको छ ।