default_image

5 years ago

June 12, 2020

टि२० विश्वकप तोकिएकै समयमा गर्ने आइसिसीको योजना

82 views

0 Bookmark

एजेन्सी— विश्वभर फैलिएको कोरोना भाइरस (कोभिड१९) को महामारीको कारण आगमी अक्टोबर नोभेम्बरमा अष्ट्रेलियामा हुने टि२० विश्वकप तोकिएकै समयमा हुने वा नहुने अन्यौल रहेको छ ।

यस विषयमा सबै देश अन्तर्राष्ट्रिय क्रिकेट परिषद् (आइसिसी) को निर्णयको पर्खाईमा छन् । यता आइसिसी र अष्ट्रेलिया क्रिकेट बोर्ड भने टि२० विश्वकप तोकिएकै समयमा गर्ने योजनामा रहेको देखिन्छ । बुधबार बसेको आइसिसी बोर्ड बैठकले आगमी एक महिनापछि टि२० विश्वकपको बारे निर्णय गर्ने जनाएको छ ।

यसअघि मे २८ मा बसेको आइसिसी बैठकले जुन १० मा टि२० विश्वकपबारे निर्णय गर्ने जनाएको थियो । तर जुन १० मा बसेको बैठक पनि विश्वकप बारे ठोस निर्णय गर्न सकेन । त्यसअघि भने आइसिसीले टि२० विश्वकप तोकिएकै समयमा गर्ने अडान लिदै आएको थियो ।

आइसिसीको बुधबारको निर्णयले सकेसम्म तोकिएकै समयमा विश्वकप गर्ने तयारीमा रहेको संकेत देखाउँछ । आइसिसी आगमी एक महिना सम्म कोरोनाको महामारीको अवस्थालाई हेर्न चाहान्छ । कोरोनाको महामारी अझ बढी फैलिएमा भने आइसिसीले टि२० विश्वकप सार्न बाध्य हुने छ ।

अन्यथा कोरोना रोकथाममा कमी हुँदै गएमा तोकिएकै समयमा गर्न चाहेको बुझिन्छ । टि२० विश्वकप आउन अझैं पाँच महिना बाँकी छ । त्यसैले आइसिसी टि२० विश्वकप निर्णय हतारमा गर्न चाहदैन ।

अर्कोतर्फ अन्तर्राष्ट्रिय क्रिकेट टोली अभ्यासमा फर्किन थालेका छन् । जुलाई पहिलो साता देखी सुरु हुने तीन टेष्ट सिरिजको लागि झण्डै एक महिना अघिनै वेस्ट इन्डिज मंगलबार इंग्ल्यान्ड आई पुगेको छ । यी दुई देश बाहेक श्रीलंका, अफगानिस्तान र युएई अभ्यासमा फर्किसकेका छन् । अन्य टोली पनि अभ्यासमा फर्किने तयारी गरिरहेका छन् । जसले विश्वकप तोकिएकै समयमा हुने आशा पलाउँदै गएको छ ।

यता न्युजिल्यान्ड कोरोना मुक्त देश बनेको छ । यसले गर्दा क्रिकेट अष्ट्रेलियाले न्युजिल्यान्ड क्रिकेट बोर्डसँग सहकार्य गरेर टि२० विश्वकप तोकिएकै समयमा गर्न सक्ने राम्रो विकल्प पनि छ । अर्कोतर्फ टि२० विश्वकप दर्शक बिनाको रंगशालामा गर्ने चर्चा पनि छ। तर दर्शक बिनाको टि२० विश्वकप सम्भावना धेरै न्युन छ ।

सन् २०२१ मा भारतमा टि२० विश्वकप हुँदैछ । जसले गर्दा यो वर्ष टि२० विश्वकप नभएमा सन् २०२२ सम्म सार्नुपर्ने हुन्छ । सन् २०२३ मा एक दिवसिय विश्वकप भारतमा हुने छ । त्यसैले पनि आइसिसीले यो वर्षनै विश्वकप सम्पन्न गर्न चाहान्छ । भारतीय क्रिकेट कन्ट्रोल बोर्ड (बिसिसीआई) पनि आइसिसीको विश्वकप निर्णयको पर्खाईमा छ । बिसिसीआई टि२० विश्वकप स्थगित भएमा १३ औं संस्करणको इन्डियन प्रिमियर लिग (आइपिएल) उक्त समयमा गर्ने तयारी गरि रहेको छ ।

April 4, 2025

क्यानडाका कप्तान प्रहरी हिरासतमा

एजेन्सी – क्यानाडा क्रिकेट टोलीका कप्तान निकोलस किर्तनलाई बार्बाडोसमा प्रहरीले पक्राउ गरेको छ । नर्थ अमेरिकन कपको तयारीमा रहेका किर्तनलाई बार्बाडोस प्रहरीले गत आइतवार हिरासतमा लिएको बताइएको छ । ‘क्रिकेट क्यानडालाई राष्ट्रिय टोलीका खेलाडी निकोलस किर्टनमाथि लागेको आरोप र हिरासतबारे जानकारी गराइएको छ,’बोर्डले जारी गरेको विज्ञप्तिमा भनिएको छ, ‘ हामी स्थितिको निगरानी गरिरहेका छौं र […]

April 4, 2025

आइपिएलमा मुम्बई र लखनउ खेल्दै

एजेन्सी – इण्डियन प्रिमियर लिग(आइपिएल) मा आज मुम्बई इण्डियन्स र लखनउ सुपर जायन्ट्सबीच खेल हुँदैछ । अटल बिहारी वाजपेयी ऐकना क्रिकेट स्टेडियममा खेल नेपाली समय अनुसार शुक्रबार बेलुका ७ः४५ बजे सुरु हुनेछ । मुम्बई पछिल्लो खेलमा कोलकाता नाइटराइडर्सलाई पराजित गरेर लखनउको घरेलु मैदानमा पुगेको छ । लखनउ पञ्जाब किंग्ससँग पराजित भएको थियो । समान ३ […]

April 4, 2025

रबडा आइपिएल छोडेर घर फर्किए

एजेन्सी – दक्षिण अफ्रिकाका तीव्र गतिका बलर कागिसो रबाडा इण्डियन प्रिमियर लिग(आइपिएल) बीचमै छोडेर दक्षिण अफ्रिका फर्किएका छन् । गुजरात टाइटन्समा आबद्ध रबडा व्यक्तिगत कारण देखाउँदै स्वदेश फर्किएका हुन् । गुजरातले बिहीवार विज्ञप्ति जारी गर्दै रबडा स्वदेश फर्किएको पुष्टि गरेको छ । रबडा महत्वपूर्ण व्यक्तिगत कामका लागि स्वदेश फर्किएका र कहिले फर्कने भन्ने उनले जानकारी […]

Success

Thank you for your time.