एजेन्सी – पाकिस्तान क्रिकेट बोर्ड (पिसिबी) ले नयाँ सिजन २०२०–२१ को केन्द्रिय खेलाडी सम्झौताबाट तीव्र गतिका बलर मोहम्मद आमिर बाहिरिएका छन् ।

पिसिबीको केन्द्रिय खेलाडी सम्झौतमा १७ वर्षीय युवा त्विर गतिका बलर नसीम शाह अटाउँदा स्टार खेलाडी मोहम्मद आमिर, हसन अली र वहाब रियाज बाहिरिएका हुन् । पूर्वकप्तान शरफराज अहमद ग्रेड बी मा घटुवा भएका छन् । नयाँ सम्झौतमा युवा तीब्र गतिका बलर शाहिन अफ्रिदी र टेष्ट टोलीका कप्तान अजहर अली ए ग्रेडमा उक्लिएका छन् ।

यता सिमित ओभरका कप्तान तथा उत्कृष्ट ब्याट्म्यान बाबर आजम भने ए ग्रेडमै यथावत छन् । सन् २०१७ मा भारतलाई फराकिलो अन्तरले हराउँदै पाकिस्तानलाई च्याम्पियनसिप ट्रफीको उपाधि जिताउन हसन अली र मोहम्मद आमिरले उत्कृष्ट प्रर्दशन गरेका थिए ।

पिसिबीको २०२०–२१ को केन्द्रिय खेलाडी सम्झौता :

ग्रेड ए (पारिश्रमिक – १.१ मिलियन पाकिस्तानी) : अजहर अली, बाबर आजम र शाहिन अफ्रिदी

ग्रेड बी (पारिश्रमिक – ७ लाख ५० हजार पाकिस्तानी) : आविद अली, असाद सफिक, हरिस शोहेल, मोहम्मद अब्बास, मोहम्मद रिजवान, शरफराज अहमद, सादव खान, शन मशूद र यासिर शाह ।

ग्रेड सी (पारिश्रमिक – ५ लाख ५० हजार पाकिस्तानी) : फकार जमान, इफ्तिकर अहमद, इमाद वासिम, इमाम उल हक, नसीम साह, उस्मान शिनवारी ।

इमर्जिङ सुचि : हैदर अली, हरिस रौउफ र मोहम्मद हसनैन