भद्र १७, काठमाडौं

मलेसियामा जारी एसीसी यू-१९ प्रिमियर लिगमा आज भएको खेलमा नेपालले साउदी आरबलाई ९ विकेटले पराजित गरेको छ । ५५ रनको लक्ष्य नेपालले ९ ओवरमा १ विकेट गुमाउदै भेट्टाएको थियो । यो समुह चरणको अन्तिम खेल थियो , नेपाल उपविजेता बनेको छ । 

अन्तिम खेलमा साउदी अरेवियामाथी ९ विकेटका प्रभावसाली जित निकालेपनि अफगानिस्तानसंगेको खेलनै नेपालका लागि निर्णयक बन्यो । प्रतियोगितामा सबै टिमलाई पराजित गर्न सफल अफगानिस्तान च्याम्पीयन बन्यो ।

विहिबार भएको खेलमा टस जितेर पहिलो ब्याटिङ गरेको साउदी अरेविया नेपाली बलरहरु सामु निहर्य रह्यो । उसले ३३ ओभर २ बलमा ५५ रन जोड्दा सम्पुर्ण विकेट गुमायो । साउदी विरुद्ध निकै उत्कृष्ट बलिङ गरेका शुसिल कडेलले १० ओभर बलिङ गर्दै ९ मेडन फालेर १२ रन दिंदै ४ विकेट लिएका थिए । त्यस्तै शुनिल धमला र प्रेम तामाङले २–२ विकेट लिए।

५६ रनको सामान्य लक्ष्य पछ्याएको नेपाल ९ ओभरमानै १ विकेट गुमाएर लक्ष्य भेटाउन सफल भयो । नेपालका लागि सुनिल धमलाले अविजित ३४ रन बनाए भने राजु रिजाल १४ रनमा नटआउट भए । संकर राना ४ रन बनाएर पेवियलियन फर्किएका थिए ।

यसअघिनै एसिया कपका लागि छनोट भइसकेको नेपालको यो प्रतिष्ठाका लागि मात्र महत्वपुर्ण प्रतियोगिता थियो । प्रतियोगितामा अफगानिस्तान अपराजित रहंदै च्याम्पियन बन्यो । उसले प्रतियोगिताका सबै टिम विरुद्ध फराकिलो जित निकाल्यो प्रतियोगितामा दोस्रो बनेको नेपाल माथी अफगानिस्तानले १० विकेटको प्रभावसाली जित निकालेको थियो । उसले विहिबार भएको अन्तिम खेलमा आयोजक मलेसियालाई ७ विकेटले पराजित गर्दे अपराजित टिमका रुपमा प्रतियोगिताको अन्त गर्‍यो ।