काठमाडौं (हाम्रो खेलकुद)– नेपाली क्रिकेट समर्थक समाज (एनसिएसएस) ले टियू क्रिकेट मैदानमा कार्यरत ग्राउन्ड्समेन मृगौला रोगबाट पीडित जयबहादुर तामाङ (सेते) लाई आर्थिक सहयोग गरिएको छ । एनसिएसएसले अभियान बाट संकलन गरेको ५० हजार रुपैयाँ आइतबार परिवारलाई हस्तान्तरण गरेको हो ।

एनसिएसएसका अध्यक्ष विराज घिमिरे र प्रमुख सल्लाहकार भानु सिक्देलले तामाङकी श्रमिती निर्मायालाई वीर अस्पताल पुगेर रकम हस्तान्तरण गरेका हुन् । झन्डै डेढ देशकदेखि नेपालको एक मात्र अन्तर्राष्ट्रिय क्रिकेट मैदानका ग्राउन्ड्सम्यान तामाङका दुवै मृगौला खराब छन् । उनी फागुन २८ गते देखि वीर अस्पतालमा उपचार गराइरहेका छन् ।

उनलाई सहयोग जुट्ने क्रम जारी छ । शनिबार मात्रै राष्ट्रिय महिला, पुरुष खेलाडी, प्रशिक्षकलगायतबाट संकलन गर्दै क्रिकेट प्लेयर्स एसोसिएसन अफ नेपाल (सिप्यान) ले १ लाख ३३ हजार हस्तान्तरण गरेका थियो । मिर्गौला खराबी सुरुवाती चरणमा रहेकोले एक महिनाको अवधिमा पुन काम काम गर्न सक्ने सम्भावना रहेको र यदि त्यस्तो नभएको खण्डमा प्रत्यारपण गर्नुपर्ने उपचारमा संलग्न चिकित्सकहरुले उल्लेख गरेको परिवारजनले बताएका छन् ।

कमजोर आर्थिक अवस्था कारण परिवारलाई उपचार गर्न कठिन भइरहेको बताइएको छ । फागुन २३ गते राती टियू मैदानमा सुतिरहेको अवस्थामा राती १ बजे पिसाब रोकिएपछि उनलाई मैदानका अन्य कर्मचारीले राती नै सानेपास्थित स्टार अस्पताल पुर्याएका थिए ।

तर पछि पुनस् समस्या दोहोरिएपछि उनीलाई वीरमा भर्ना गरिएको थियो । वीरमा पुगेपछि उनको दुवै मिर्गौला खराब रहेको थाहा भएको थियो । ललितपुरको लेलेमा जन्मिएका उनले २०६१ सालदेखि टियु क्रिकेट मैदानको हेरचाह गर्दै आएका छन् ।