काठमाडौं (हाम्रो खेलकुद)– क्रिकेट प्लेयर्स एसोसियसन अफ नेपाल (सिप्यान) को पहलमा टियू क्रिकेट मैदानमा कार्यरत ग्राउन्ड्समेन मृगौला रोगबाट पीडित जयबहादुर तामाङ (सेते) लाई आर्थिक सहयोग गरिएको छ । राष्ट्रिय क्रिकेट खेलाडी महिला, पुरुष, प्रशिक्षक र अन्यबाट संकललित १ लाख ३३ हजार रुपैयाँ आज परिवारलाई हस्तान्तरण गरिएको छ ।

राष्ट्रिय क्रिकेट टोलीका प्रशिक्षक जगत टमाटा, कप्तान ज्ञानेन्द्र मल्ल र सिप्यानका सचिव राजु बस्न्यातले तामाङकी श्रमिती निर्मायालाई वीर अस्पताल पुगेर शनिबार रकम हस्तान्तरण गरेका थिए । झन्डै डेढ देशकदेखि नेपालको एक मात्र अन्तर्राष्ट्रिय क्रिकेट मैदानका ग्राउन्ड्सम्यान तामाङका दुवै मृगौला खराब छन् ।

केहि दिन देखि उनी वीर अस्पतालमा उपचार गरिरहेका छन् । मिर्गौला खराबी सुरुवाती चरणमा रहेकोले एक महिनाको अवधिमा पुन काम काम गर्न सक्ने सम्भावना रहेको र यदि त्यस्तो नभएको खण्डमा प्रत्यारपण गर्नुपर्ने उपचारमा संलग्न चिकित्सकहरुलेब उल्लेख गरेको परिवारजनलेब ताएका छन् । कमजोर आर्थिक अवस्था कारण परिवारलाई उपचार गर्न कठिन भइरहेको बताइएको छ ।

फागुन २३ गते राती टियु मैदानमा सुतिरहेको अवस्थामा राती १ बजे पिसाब रोकिएपछि उनलाई मैदानका अन्य कर्मचारीले राती नै सानेपास्थित स्टार अस्पताल पुर्याएका थिए । तर पछि पुनस् समस्या दोहोरिएपछि उनीलाई वीरमा भर्ना गरिएको थियो । वीरमा पुगेपछि उनको दुवै मिर्गौला खराब रहेको थाहा भएको थियो । ललितपुरको लेलेमा जन्मिएका उनले २०६१ सालदेखि टियु क्रिकेट मैदानको हेरचाह गर्दै आएका छन् ।