काठमाडौं (हाम्रो खेलकुद) – विश्वभर फैलि रहेको कोरोना भाईरसको कारण सन्दीप लामिछाने सम्मिलित एसिया ११ र विश्व ११ बीच हुने भनिएको दुई टि ट्वान्टी सिरिज स्थगित भएको छ । बंगलादेश क्रिकेट बोर्डले बुधबार कोरोना भाईरसको कारण स्थगित भएको जनाएको छ ।

बंगलादेश क्रिकेट बोर्डले आयोजना गर्ने मुजिब १०० टि ट्वान्टी कप बंगलादेश २०२० अन्तर्गत विश्व ११ विरुद्ध एसिया(११को टोलीमा नेपाली लेग स्पिनर सन्दीप लामिछाने पनि थिए । उक्त दुई टि ट्वान्टी खेल चैत्र ८ र ९ गते मा बंगलादेशको शेर ए बंगला रंगशालामा बताइएको थियो । तर अर्को मिती सार्वजनिक नहुन सम्म स्थगित भएको बोर्डले जनाएको छ ।

सन्दीप सम्मिलित एसियाको टोलीमा भारतीय कप्तान विराट कोहली, श्रीलंकका लसिथ मालिंगा, बंगलादेशका मुस्ताफिजुर रहमान, अफगानिस्तानका राशिद खान लगायत स्टार खेलाडी समावेश थिए । विश्व ११ को फाफ डु प्लेसिस, क्रिस गेल, काइरान पोलार्ड, निकोलस पुरन लगातका स्टार खेलाडी समावेश थिए ।

एसिया ११ – केएल राहुल, शिखर धवन, विराट कोहली (कप्तान), तमीम इक्बाल, लिटन दास, ऋषभ पन्त, मुस्फिकुर रहीम, थिसारा परेरा, राशीद खान, मुस्ताफिजुर रहमान, सन्दीप लामिछाने, लासिथ मालिंगा, मोहमद शामी, कुलदीप यादव, मुजिब उर रहमान ।

विश्व ११ – एलेक्स हेल्स, क्रिस गेल, फाफ डु प्लेसिस (कप्तान) , निकोलस पुरन, बेन्डन टेलर, जोनी बेयरस्टो, काइरान पोलार्ड, आदिल राशीद, शेल्डन कट्टेल, लुग्गी एन्गिडी, एन्डु टाई र मिचेल म्याकलेनघन ।