काठमाडौं (हाम्रो खेलकुद) – काठमाडौं जिल्ला सिनियर छनोट प्रतियोगिता सेमिफाइनल समिकरण पुरा भएको छ । पहिलो सेमिफाइलनमा महावीर क्लब र न्युभिजन क्लब भिड्ने छन् ।

त्यस्तै दोस्रो सेमिफाइनल बालुवाटार क्रिकेट क्लब र हिमालय क्रिकेट एकेडेमीबीच प्रतिस्पर्धा हुने छ । दुवै सेमिफाइनल बुधबार मुलपानी क्रिकेट मैदानमा हुने छन् । मंगलबार न्युभिजनले नेक्सस क्रिकेट एकेडेमीलाई २ विकेटले पराजित गर्दै सेमिफाइनलमा स्थान पक्का गर्यो ।

नेक्ससले प्रस्तुत गरेको १ सय २६ रनको लक्ष्य न्युभिजनले १९.२ ओभरमा ८ विकेटको क्षतिमा पुरा गर्यो । लक्ष्मण चौधरी २४, शम्शेर चन्द र विवेक चन्दले समान १५ रनको योगदान दिए । त्यस्तै चन्द्रन रावल र अनित बरालले समान १२ रन जोडे । ओसिसका रविन क्षेत्रीले २ विकेट लिए ।
त्यसअघि टस जितेर ब्यटिङ थालेको नेक्सस २५ ओभरमा १ सय २५ रनमा अल आउट भएको थियो । उसका सम्भव श्रेष्ठले ३७, उत्तम थापा मगरले १६ र सुचन बरालले १८ रनको योगदान दिए । चन्दन रावल र शम्शेर चन्दले २–२ विकेट लिए । त्यस्तै अर्को खेलम बालुवाटारले काठमाडौं क्रिकेट टेनिङ सेन्टरलाई ४ रनले हराउँदै सेमिफाइनलमा स्थान पक्का गर्यो ।

टस जितेर ब्याटिङ थालेको बालुवाटार थालेके केसीटीसीले २५ ओभरमा ९ विकेट गुमाउँदै १ सय रन बनायो । उसका सुमन उदय २० र सुवास खकुरेल २५ रन बनाए । उज्वल थापा ३, मनिश कुमार शैनी र प्रत्यक्ष घिमिरिले २–२ विकेट लिए ।

१ सय १ रनको विजयी लक्ष्य पछ्याएको केसीटीसी २४.३ ओभरमा ९६ रनमा अल आउट भयो । उसका निर्भिक पाठक १७, मेहुल श्रेष्ठ २५ र उज्वाल थापाले १६ रन बनाए । हिमालय क्रिकेट एकेडेमीका सोनु तामाङ र अभिनाश बस्यालले समान २ विकेट लिए ।