काठमाडौं (हाम्रो खेलकुद)– ललितपुर प्याटियट्सले ट्यालेन्ट हन्टबाट एभरेष्ट प्रिमियर लिग (इपिएल) का लागि दुई युवा खेलाडी छनोट गरेको छ । साविक विजेता समेत रहेको ललिपुरमा युवा बायाँ हाते स्पिनर अरियो पौडेल र ब्याट्सम्यान बिभत्सु थापाले ट्यालेन्ट हन्टमार्फत स्थान बनाएका छन् ।

२ सय ३१ युवा खेलाडीबा अरियो र बिभत्सु छनोट भएको ललितपुरले जनाएको छ । फागुन २३ गते देखि ललितपुरको इमाडोल स्थित बल पार्क एकेडेमीमा भएको ट्यालेन्ट हन्ट प्रशिक्षक राजु बस्नेत, स्पिनर सुर्य तामाङ र अलराउन्डर सोनु तामाङको टोलीले खेलाडी छनोट गरेका हुन् ।

अरियोले एक साता अघि मुलपानी क्रिकेट मैदानमा सम्पन्न हिमालय क्रिकेट लिग यू१९ दुई दिवसिय प्रतियोगितामा वाई वाई ग्रेट हिमालय क्रिकेट एकेडेमीलाई उपाधि दिलाउन उत्कृष्ट प्रर्दशन गर्दै उदयमान खेलाडी घोषित भएका थिए ।

ललितपुर प्याट्रियट्सले विदेशी खेलाडीको रुपमा पाकिस्तानका हमाद हसन, हसन खान, मिर हाम्जा र श्रीलंका बायाँ हाते ओपनर उपुल थरंगालाई अनुबन्ध गरेको छ । गत वर्ष ललितपुरले ट्यालेन्ट हन्टबाट तीब्र गतिका बलर कमल खत्रीलाई टोलीमा अनुबन्ध गरेको थियो ।

इपिएल चैत १ गते देखि १५ गते सम्म कीर्तिपुरस्थित टीयू क्रिकेट मैदानमा हुने भनिएपनि विश्वभर फैलिएको कोराना भाईरसको लागि अनिश्चित समयको लागि स्थगित भई सकेको छ ।