एजेन्सी – तीब्र गतिका बलर ओशान थोमसको उत्कृष्ट बलिङमा श्रीलंकासँगको पहिलो टि ट्वान्टी खेलमा पाहुना टोली वेस्ट इन्डिज २५ रनले विजयी भएको छ ।

वेस्ट इन्डिजले प्रस्तुत गरेको १ सय ९७ रनको विजयी लक्ष्य पक्ष्याएको श्रीलंका १९.१ ओभरमा १ सय ७१ रनमा अल आउट भयो । श्रीलंका विकेटकिपर कुशल परेराले ३८ बलमा ६ चौका र ३ छक्का सहित ६६ रन जोडेपनि टोलीको हार टार्न सकेनन् । वानिन्दु हसरंगाले ४४, तिसारा परेरा ११, एन्जिलो म्याथुज १० र अविष्का फर्नान्डो ७ रनमा आउट भए ।

अन्यले राम्रो प्रर्दशन गर्न सकेनन् । वेस्ट इन्डिजका ओशान थोमसले ३ ओभरमा २८ रन खर्चेर ५ विकेट लिए । त्यस्तै शेल्डन कट्टेल १, आन्द्रे रसेल र ड्वेन ब्राभोले १-१ विकेट लिए । रोवमन पोवेलको नाममा २ विकेट लिए ।

त्यसअघि टस जितेर पहिला ब्याटिङ रोजेको वेस्ट इन्डिजले निर्धारित २० ओभरमा ४ विकेट गुमाउँदै १ सय ९६ रन जोडेको थियो । उसका ओपनर लेन्डल सिमन्स ५१ बलमा ७ चौका र २ छक्का सहित ६७ रनमा अविजित रहे । बेन्डन किङ ३३ र निकोलस पुरन १४ रनमा आउट भए ।

टि ट्वान्टी ५ सय खेल खेल्ने पहिलो खेलाडी बनेका कप्तान काइरान पोलार्डले १५ बलमा ३ चौका र २ छक्का सहित ३४ रन जोडे । आन्द्रे रसेलले आक्रामक ब्याटिङ गर्दै १४ बलमा ४ छक्का र २ चौका सहित ३५ रनमा आउट भए ।

श्रीलंका कप्तान लासिथा मलिङ्गा, इसुरु उडना, लक्सान सन्दनका र वानिन्दु हसरंगाले १–१ विकेट लिए । दुई टि ट्वान्टी सिरिज अन्तर्गत दोस्रो तथा अन्तिम खेल शुक्रबार हुने छ ।