काठमाडौं (हाम्रो खेलकुद) – एसीसी इस्टर्न रिजन टि ट्वान्टी क्रिकेट प्रतियोगितामा थाईल्यान्डलाई ९ विकेटले पराजित गर्दा नेपालले कीर्तिमान पनि कायम गरेको छ ।

थाईल्यान्डले प्रस्तुत गरेको ६७ रनको लक्ष्य नेपालले ५.३ ओभरमा १ विकेट गुमाउँदै पुरा गर्‍यो । नेपालको जितमा कुशल मल्ल ३६ र पवन सरार्फ २७ रनमा अविजित रहे । नेपाल पहिलो खेलमा मलेसियासँग २२ रन र दोस्रो खेलमा हङकङसँग ४३ रनले पराजित भएको थियो । सुरुवाती दुई हारको कारण एसिया कप छनोटमा पुग्ने नेपालको अव अंक गणितीय सम्भावना मात्रै बाँकी छ । नेपाल हङकङको नतिजामा निर्भर रहने छ ।

नेपालले थाईल्यान्डलाई पराजित गर्दा यी चार कीर्तिमान पनि बनाएको छ । सन्दीपको सर्वाधिक डट बल थाईल्यान्डलाई सस्तैमा रोक्न लेग स्पिनर सन्दीप लामिछानेले ४ ओभरमा ९ रन खर्चेर १ विकेट लिए । जसक्रममा सन्दीपले २२ बल डट राखे । सन्दीप नेपालबाट एकै टि ट्वान्टी खेलमा २२ बल डट राख्ने पहिलो नेपाली बलर हुन् ।

टि ट्वान्टी आई इतिहासकै छैटौं चाडो जित नेपालले थाईल्यान्डलाई ८७ बल अगाडीनै पराजित गर्यो । जुन टि ट्वान्टी आइमा बलको रुपमा छैटौं चाडो जित पर्दछ । टि ट्वान्टी इतिहासमै सर्वाधिक छिटो जित अष्ट्रियाले टर्कीलाई ३३ रनको लक्ष्य पक्ष्याउने क्रममा २.४ ओभरमा (१ सय ४ बल बाँकी) कुनै विकेट नगुमाई पुरा गरेको थियो ।

नेपालको यस अघि सर्वाधिक छिटो जित २५ बल अगाडीनै रहँदै आएको थियो । जुन कीर्तिमान नेपालले गत जुलाईमा आईसीसी एसिया रिजन छनोटमा कुवेतविरुद्ध कायम गरेको थियो ।

टी ट्वान्टीमा विपक्ष्यलाई रोकेको कम योगफल थाईल्यान्डलाई नेपालले ६६ रनमा अल आउट गर्‍यो । जुन नेपालले टि ट्वान्टी आईमा विपक्ष्यलाई रोकेको र पाएको सर्वाधिक कम योगफलमा पर्दछ । यस अघि नेपालले टि ट्वान्टी आईमा सन् २०१४ को विश्वकपमा हङकङलाई ६९ रनमा अल आउट गरेको थियो ।

टि ट्वान्टीमा पवनको उच्च स्ट्राइकरेट नेपालको सहज जितमा तेस्रो नम्बरमा ब्याटिङ गर्न आएका पवन सरार्फ १० बलमा ३ छक्का र २ चौका सहित २७ रनमा अविजित रहे । जसक्रममा पवनको स्ट्राइक रेट २ सय ७० रन रह्यो । जुन टि ट्वान्टीमा नेपालको तर्फबाट एकै खेलमा उच्च स्ट्राइक रेट पर्दछ ।

यस अघि सन्दीप जोराले गत वर्ष युएईविरुद्ध तेस्रो टि ट्वान्टी खेलमा २५४.५४ को स्ट्राइक रेटमा ब्याटिङ गरेका थिए । त्यो नै टि ट्वान्टीमा उच्च रहँदै आएको थियो ।