काठमाडौं (हाम्रो खेलकुद) – स्पिनरहरुको उच्च प्रर्दशनमा दोस्रो संस्करणको हिमालय क्रिकेट लिग दुई दिवसिय यू१९ क्रिकेट प्रतियोगिता फाइनल रोमाञ्चक अवस्थामा छ ।

स्पिनर चम्किँदा काठमाडौं क्रिकेट टेनिङ सेन्टर (केसीटीस) र वाई वाई ग्रेट हिमालय क्रिकेट एकेडेमीबीचको फाइनल रोमाञ्चक बनेको हो । माथिल्लो मुलपानी क्रिकेट मैदानमा जारी फाइनलमा टस हारेर ब्याटिङ थालेको केसीटीसी २४.३ ओभरमा ८० रनमा समेटियो ।

उसका लखाह १४, बिवेक राना मगर १८, निर्भीक पाठक १३ र सुर्य तामाङले ११ रन बनाए । ग्रेट हिमालयका अरियो पौडेलले ३, मोहम्मद हुसेन, बिवेक यादव र सोनु देवकोटाले २-२ विकेट लिए । राशिद खानको नाममा १ विकेट रह्यो ।

ग्रेट हिमालय पहिलो इनिङमा २९.४ ओभरमा ६२ रनमा अल आउट भयो । आयुषमान बम १३ र सोनु देवकोटाले १४ रनको योगदान दिए । सुर्य तामाङले १४.४ ओभरमा ४ मेडन राख्दै ३४ रन खर्चेर ७ विकेट लिए ।

तिलक भण्डारी ३ रनमा आउट भए । केसीटीसी दोस्रो इनिङमा ९६ रनमा समेटियो । विपिन आचार्य १७, सचिन लखाह १०, राहुल भण्डारी २७ र नर्भीक पाठकले १० रनको योगदान दिए ।

ग्रेट हिमालयका राशिद खानले ५ र अरियो पौडेलले ४ विकेट लिए । गे्रट हिमालय दोस्रो इनिङमा १५ ओभरमा ४५-४ को अवस्थामा छ । उसका आयुष बस्नेत २१ रनमा अविजित छन् ।

स्पिनर तिलक भण्डारीले ६ ओभरमा १६ रन खर्चेर ४ विकेट लिए । दोस्रो तथा अन्तिम दिन ग्रेट हिमालयलाई उपाधि जित्नको लागि ६९ बनाउनु पर्ने हुन्छ भने केसीटीसीलाई ६ विकेट आवश्यक पर्छ ।