काठमाडौं (हाम्रो खेलकुद) – आगमी संस्करणको एभरेष्ट प्रिमियर लिग (इपिएल) को लागि भैरहवा ग्लयाडिएटर्सले आफ्नो विदेशी खेलाडीको नाम सार्वजनिक गरेको छ ।

आइतबार नेपाली राष्ट्रिय क्रिकेट टोलीका पुर्व प्रमुख प्रशिक्षक समेत रहेका पुबुदु दसानायकेले भैरहवाबाट खेल्ने अन्य तीन विदेशी खेलाडीको नाम सार्वजनिक गरेका हुन् । पुबुदु यसपटक इपिएलमा भैरहवाको प्रमुख प्रशिक्षकमा छन् । पुबुदु आज नै नेपाल आएका हुन् ।

ओमानका बायाँ हाते तीब्र गतिका बलर बिलाल खान, श्रीलंका स्पिनर जीवन मेन्डिस र बायाँ हाते अलराउन्डर मिलिन्डा श्रीवार्दानाले भैरहवाबाट इपिएल खेल्ने भएका छन् । भैरहवाले यस अघिनै वेस्ट इन्डिजका विश्फोटक ब्याट्सम्यान ड्वेन स्मिथलाई सार्वजनिक गरेकोे थियो ।

ओमानका बिलाल खानले १० ओडीआई, ३५ टि ट्वान्टी र २४ लिष्ट ए खेलेका छन् । बिलालले १० ओडीआईमा १८ र टि ट्वान्टीमा ५१ विकेट लिएका छन् । माघ अन्तिममा उनले आईसीसी विश्वकप लिग २ अन्तर्गत नेपालसँग पहिलो खेलमा २ विकेट लिएका थिए ।

श्रीलंका बायाँ हाते ३४ वर्षिय मिलिन्डाले ५ टेष्ट, २७ ओडीआई र २२ टि ट्वान्टी आई र १ सय २६ प्रथम श्रेणी खेलेका छन् । उनले टेष्टमा २ सय ९८ रन बनाउनुको साथै ११ विकेट लिएका छन् । त्यस्तै ओडीआईमा ५ सय १६ रन बनाउनुको साथै ९ विकेट लिएका छन् । पछिल्लो समय उनले अष्टे«लियासँगको जुनमा एक दिवसिय खेल खेलेका थिए ।

जीवन मेन्डिसले ५८ ओडीआईमा ६ सय ३६ रन बनाउनुको साथै २८ विकेट लिएका छन् । त्यस्तै २२ टि ट्वान्टीमा २ सय ७ रन बनाउनुको साथै १२ विकेट लिएका छन् । मेन्डिसले पछिल्लो समय श्रीलंकाबाट गत जुनमा दक्षिण अफ्रिकासँग एक दिवसिय खेल खेलेका थिए । इपिएल चैत्र १ देखी १५ गते सम्म टियु क्रिकेछ मैदानमा हुने । इपिएलमा भैरहवा ग्ल्याडियटर्सले चैत्र २ मा काठमाडौं किंग्स ११ सँग खेल्दै प्रतियोगितामा सुरुवात गर्ने छ ।

भैरहवा टोली:

शरद भेषवाकर, प्रदीप ऐरी, मोहम्मद आरिफ शेख, कृष्ण कार्की, भुवन कार्की, दीपेश श्रेष्ठ, रोहित कुमार पौडेल, हरि शंकर झा, अभिनाश बोहरा, कुशल मल्ल, विकास आग्री र हिमान्शु दत्त ।
विदेशी खेलाडी:

बिलाल खान, ड्यान स्मिथ, जीवन मेन्डिस र मिलिन्डा श्रीवार्दाना ।

प्रशिक्षक: पुबुदु दासानायके