काठमाडौं (हाम्रो खेलकुद)– एनसिसिएस सिप्यान क्रिकेट अवार्ड अर्को महिना आयोजना हुने भएको छ । क्रिकेट खेलाडी संघ (सिप्यान) को आयोजनामा अवार्ड चैत २१ गते आयोजना हुने आइतबार आयोजित पत्रकार सम्मेलनमा जनकारी गराइयो । ५ विधामा अवार्ड दिइने बताइएको छ ।

अवार्डका लागि एनसिसिएसले मुख्य प्रायोजन गरेको सम्मेलनमा जानकारी गराइयो । त्यस्तै मिडिया पार्टनरको रुपमा हिमालय टेलिभिजनका रहेको सिप्यानका अध्यक्ष मनिषराज पाण्डेले बताए ।

अध्यक्ष पाण्डेका अनुसार ( सन् २०१९–२०२०) वर्ष क्रिकेट खेलाडी पुरुष, महिला, उदीयमान क्रिकेट खेलाडी, वर्षको उत्कृष्ट क्षण र लाइफटाइम अचिभमेन्ट अवार्ड प्रदान गरिने बताएको छ । यसपटक पुरुष र महिलाको पुरस्कार राशी बराबर गरिएको बताइएको छ ।

उत्कृष्ट महिला र पुरुष खेलाडीले समान १ लाख ३२ हजार रुपैयाँ प्राप्त गर्नेछन् । त्यस्तै वर्ष उदीयमान क्रिकेट खेलाडी, वर्ष उत्कृष्ट क्षण र लाइफटाइम अचिभमेन्ट अवार्डको विजेताले समान ६६ हजार रुपैयाँ प्राप्त गर्नेछन् ।

सिप्यानका महासचिव पारस खड्काका अनुसार उल्लिखित पुरस्कारका लागि योग्य खेलाडी छनोट गर्न एक प्राविधिक समिति गठन गरिने र तोकिएको मापदण्डका आधारमा समितिले सिफारिस गरेको खेलाडीलाई अवार्ड प्रदान गरिने बताए ।

वर्ष उत्कृष्ट क्षण अनलाइन भोटिङको आधारमा तय गरिने बताइएको छ । त्यस्तै नेपाली क्रिकेट विकासमा योगदान पु¥याउने मध्येबाट एकजनालाई सम्मानित गरिने बताइएको छ । खेलाडीले सन् २०१९ मार्चदेखि २०२० मार्चसम्मको गरेको प्रदर्शनका आधारमा खेलाडीलाई सम्मान गरिने जनाइएको छ ।