बेलायत भ्रमणमा रहेको नेपाली राष्ट्रिय क्रिकेट टोलीले आइतबार भएको अभ्यास खेलमा जित हात पार्दै लगातार चौथो  विजय हासिल गरेको छ ।

इस्टबोर्न क्रीकेट क्लबलाई १८१ रनले जित्दै हराउँदै नेपाली टोलीले चौथो जित आत्मसात गरेको छ । पहिलो ब्याटिङ गर्दै नेपालले निर्धारित ५० ओभरमा ३ विकेट गुमाउदै ३०० रन जोडेको थियो । नेपालकोलागी बिनोद भण्डारीले सर्वाधिक ७७ रन जोडे भने राजु रिजाल ६६ रनमा अभिजित रहे, त्यस्तै अनिल मण्डलले ७३ रन र शरद भेस्वकरले ६० रनको योगदान दिए ।

३०१ रनको लक्ष्य पछ्याएको इस्टबोर्न क्रीकेट क्लब ३५ ओभरमा सम्पुर्ण विकेट गुमाउदै ११९ रनमा सिमित रह्यो ।

नेपालकोलागी सोमपलले ३ विकेट लिए भने, बषन्त रेग्मी र सागर पुनले समान २-२ विकेट लिए, त्यस्तै शक्ती गौचन र बिक्रम सोबको नाम मा १-१ विकेट पर्‍यो।

नेपालले पहिलो खेलमा फ्री फरेस्टर क्लबलाई ४० ओभरको खेलमा १ सय २० रनले हराएको थियो भने बिहीबारको ट्वान्टी–२० खेलमा इन्डियन जिमखानामाथि २० रनको जित दर्ता गरेको थियो । त्यस्तै तेस्रो खेलमा क्लब क्रिकेट कन्फ्रेन्स (सिसिसी) लाई ४ विकेटले हराउँदै नेपाली टोलीले तेश्रो जित आत्मसात गरेको थियो ।