काठमाडौं (हाम्रो खेलकुद) – कप्तान आशिफ शेखको शतक र तीब्र गतिका बलर राशिद खानको उत्कृष्ट बलिङमा वाई वाई ग्रेट हिमालय क्रिकेट एकेडेमीले ‘हिमालय क्रिकेट लिग’ मा हिमालय क्रिकेट एकेडेमीलाई ७ विकेटले पराजित गरेको छ ।

हिमालय क्रिकेट एकेडेमीले पहिलो इनिङमा (एचसीए) ३४.१ ओभरमा १ सय ४४ रनमा अल आउट भएको थियो । एचसीएका रजत तिमल्सिनाले सर्वाधिक ४२ रनको सर्वाधिक इनिङ खेले । गजेन्द्र बोहराले १६, अमृत थापाले १४, भुमिसिंह कुवँरले १६ र सन्दीप शाहीले २३ रन जोडे । बलिङतर्फ ग्रेट हिमालयका स्पिनर सोनु देवकोटाले ३, तीब्र गतिका वलर राशिद खान र मोहम्मद हुसेनले समान २-२ विकेट लिए ।

ग्रेट हिमालय पहिलो इनिङमा ६० ओभरमा ३ सय २० रन बनाएको थियो । ग्रेट हिमालयलाई बलियो योगफलमा पुर्याउन कप्तान आशिफ शेखले ९५ बलमा १७ चौका र १ छक्का सहित एक सय रनको शतकीय इनिङ खेले । त्यस्तै आयुश बस्नेतले ६९ र आयुशमान बमले ५३ अर्ध शतकीय योगदान दिदै बलियो योगफलमा पुर्याए । अशोक बस्नेतले ५२ रनको अर्ध शतकीय इनिङ खेले । सन्दीप शाहीले सर्वाधिक ४ विकेट लिए । कप्तान प्रतिश जिसीले २, गजेन्द्र बोहरा र दिपक बोहराको नाममा १-१ विकेट रह्यो ।

दोस्रो इनिङमा हिमालय क्रिकेट एकेडेमी ७०.१ ओभरमा २ सय ३५ रनमा अल आउट भयो । उसका दिपक बोहराले १ सय ६ बलमा ६ चौका सहित सर्वाधिक ५३ रनको योगदान दिए । विराट भण्डारी ३१, गजेन्द्र बोहरा २२, अमृत थापा ११, रजत तिमिल्सिना ३७, दिपक बोहरा १४, भुपि सिंह कुँवर १३ र प्रतिश जिसी २१ रनमा आउट भए । ग्रेट हिमालयका तीब्र गतिका बलर राशिद खानले २०.१ ओभरमा ५ मेडन राख्दै ५१ रन खर्चेर ५ विकेट लिए । सोनु देवकोटा र अरियो पौडेलले २-२ विकेट लिए । अभिषेक बस्नेतको नाममा १ विकेट रह्यो ।

ग्रेट हिमालयले दोस्रो इनिङमा १३.४ ओभरमा ६१ रन जोड्न ३ विकेट गुमाएको अवस्थामा खेल सकिएको थियो ।