काठमाडौं (हाम्रो खेलकुद) – नेपालले आईसीसी विश्वकप लिग-२ त्रिकोणात्मक सिरिज अन्तर्गत दोस्रो खेलमा अमेरिकाविरुद्ध पहिला ब्याटिङ गर्ने भएको छ । टीयू क्रिकेट मैदानमा भएको टसमा अमेरिका कप्तान सौरभ नेत्रवलकारले जितेर पहिला गर्ने फिल्डिङ निर्णय लिएका हुन् ।

नेपालको टोलीमा आज दुई परिवर्तन भएको छ । अघिल्लो खेलमा ओमानसँग ५५ रनको इनिङ खेलेका शरद भेषवाकरको स्थानमा ओपनर सुवास खकुरेललाई मैदान उतारेको छ । शरद भेषावकर बायाँ हिपको मांशपेशीको दुखाईको कारण सिरिज गुमाउँदा सुवासले मौका पाएका थिए । ओपनिङ ज्ञानेन्द्र मल्ल र सुवास खकुरेलले गर्ने छन् । सुवास र ज्ञानेन्द्रले ओपनिङ गर्दा पारसले तेस्रो नम्बरमा ब्याटिङ गर्ने छन् । ओमानसँग पारसले ओपनिङ गर्दै ३ रनमा आउट भएका थिए ।

त्यस्तै नेपालले ओमानसँग शुन्यमा आउट भएका रोहित कुमार पौडेलको स्थानमा बायाँ हाते अलराउन्डर कुशल मल्ललाई मौका दिएको छ । कुशलको यो ओडीआई डेब्यू हो । पीच स्पिनर उपयोगी हुँदा कुशल नेपालको लागि नायक बन्न सक्छन् । कुशलले फिनिसरको भुमिका पाउने छन् । कुशल स्पिनसँगै तल्लोक्रममा ठूलो सट खेल्नेगर्दछन् । नेपालले चार प्रमुख बलर मैदान उतारेको छ । कुशलको आगमनले नेपालको स्पिन अट्याक थप बजुतहुने छ । बलिङमा भने नेपालले ओमानविरुद्धको खेलमानै निरन्तरता दिएको छ ।

प्लेइङ ११ :

ज्ञानेन्द्र मल्ल (कप्तान), आरिफ शेख, दीपेन्द्र सिंह ऐरी, अभिनाश बोहरा, विनोद भण्डारी (विकेटकिपर), करण केसी, पारस खड्का, कुशल मल्ल, सुशन भारी, सुवास खकुरेल र सन्दीप लामिछाने

बेन्च :

रोहित कुमार पौडेल, ललित नारायण राजवंशी र कमल सिंह ऐरी ।