नेपालले समुहमानै कमजोर प्रतिद्धवन्दि साउदी अरेविया विरुद्ध बिहिबार प्रतिष्पर्धा गर्दै छ । प्रतियोगितामा ४ खेलमा ४ वटामानै पराजित भएको साउदी विरुद्ध नेपाल स्वभाविक रुपमा बलियो लयमा हुने छ । यद्धपि प्रतियोगितामा नेपालको एक पराजय उपाधिका लागि निकै मंहगो पर्ने निश्चित छ । अफगानिस्तान उपाधि अभियानमा बलियो दाबेदार रहंदा नेपाल प्रतियोगितामा दोस्रो नम्बरमा रहंने पक्का छ ।

एसीसी यु-१९: भोली कमजोर साउदी विरुद्ध भिड्दै नेपाल

समुहमा अफगानिस्तानसंगको फराकिलो हार र अन्य टिम विरुद्ध फराकिलो जित निकाल्दै एसियन कपका लागि छनोट भएको नेपालको उपाधि संभावना भने निकै कमजोर छ । समुहमा ६ अंकका साथ दोस्रो स्थानमा रहेको नेपालले उपाधि जित्नका लागि साउदी विरुद्ध फराकिलो जित निकाल्नु पर्ने छ भने अफगानिस्तान मलेसियासंग फराकिलो अन्तरले पराजित भएमात्र नेपालको उपाधि संभावना रहने छ । यद्धपि उक्त संभवना कमजोर रहेकाले नेपाल उपाधि होडबाट लगभग बाहिरिसकको छ । यद्धपि एसियन कप हु्ंदै विश्वकप छनोट सम्मको यात्रालाई सफल बनाउन भने युवा टिम सफल भएको छ ।

एसिसिको नियम अनुसार प्रतियोगितामा शिर्ष ३ स्थानमा रहने टिमले एसियाकपका लागि स्थान बनाउन सक्छन् । आगामी डिसेम्बरमा मलेसियामानै हुने एसियाकपका लागि छनोट भइसकको नेपाली टिमका लागि साउदी विरुद्ध प्रतिष्ठाका लागि मात्र मैदान उत्रने छ । नेपालले अफगानिस्तानसंग १० विकेटले परािजत भएको थियो भने आयोजक मलेसिया, युएइ र कुवेतमाथी फराकिलो जित आत्मासाथ गरेको थियो ।