एजेन्सी – मध्यक्रमका ब्याट्सम्यान मनिष पाण्डेको अर्धशतकमा चौथो टि ट्वान्टी खेलमा भारतले न्युजिल्यान्डलाई १ सय ६६ रनको लक्ष्य दिएको छ ।

शुक्रबार स्काई स्टेडियम वेलिंग्टनमन टस हारेर ब्याटिङ थालेको भारतले निर्धारित २० ओभरमा ८ विकेट गुमाउँदै १ सय ६५ रन बनायो । प्रमुख ब्याट्सम्यान रोहित शर्मालाई आराम दिएको भारतले खराब सुरुवात गरेपनि तल्लोक्रममा मनिष पान्डेले ३६ बलमा ३ चौका सहित ५० रनमा नट आउट रहदै प्रतिस्पर्धात्मक योगफलमा पुर्याए ।

ओपनर सञ्जु स्यामसन स्कर्ट कुग्गेलेइज़नको दोस्रो ओभरको तेस्रो बलमा ठूलो सट खेल्नेक्रममा मिचेल सान्टनारबाट ८ रनमा क्याच भएका थिए । पाँचौ ओभरको तेस्रो बलमा हमिश बेनेटले कप्तान विराट कोहलीलाई मिचेल सान्टनारबाट ११ रनमा क्याच आउट गराए ।

सातौं ओभरको तेस्रो बलमा ईश सोधीले श्रेयर ऐरलाइ १ रनमा आउट गरे । ओपनर लोकेश राहुललाई नवौं ओभरको चौथो बलमा ईश सोधिलेनै ३९ रनमा सान्टनारबाट क्याच गराएपछि भारत दबाबमा परेको थियो । राहुलले २६ बलमा ३ चौका र २ छक्का प्रहार गरे । सोधिलेनै ११ औं ओभरको दोस्रो बलमा शिवम दुबेलाइ १२ क्याच आउट गराएपछि भारत ८४-५ को कमजोर अवस्थामा पुगेको थियो । शार्दुल ठाकुर १५ बलमा २ चौका सहित २० रनमा आउट भए । नबदिप सैनी ९ बलमा २ चौका सहित ११ रनमा अविजित रहे।

ईश सोधीले ४ ओभरमा २६ रन खर्चेर ३ विकेट लिए । हमिश बेनेटले ४ ओभरमा ४१ रन खर्चेर २ विकेट लिए । मिचेल सान्टनार, स्कर्ट कुग्गेलेइज़न र टिम साउथीको नाममा १-१ विकेट रह्यो ।